ତାଇପେ,୨୩।୮: ଚାଇନା ଗୋଟିଏ ପଟେ ତାଇଓ୍ବାନକୁ ସେନା ଶକ୍ତି ଦେଖାଇ ହାସଲ କରିବାକୁ ଚେଷ୍ଟା କରୁଥିବା ବେଳେ ଅନ୍ୟପଟେ କିନ୍ତୁ ତାଇଓ୍ବାନ ମୁଣ୍ଡ ନଇଁବା ଭଳି ଲକ୍ଷ୍ୟ କରାଯାଉନାହିଁ। ତାଇଓ୍ବାନ ସେନା କହିଛି ସେ କାହାସହ ଶତ୍ରୁତା କରିବାକୁ ଚାହୁଁ ନାହିଁ କିନ୍ତୁ କେହି ତାଙ୍କୁ ଆକ୍ରମଣ କଲେ ସେ ଏହାର କଡା ଜବାବ ଦେବ। ସୂଚନାଯୋଗ୍ୟ, ଗତ ସପ୍ତାହରେ ଏମିତି ଖବର ଆସିଥିଲା କି ଚାଇନା ସାଉଥ୍ ଚାଇନା ସି’ରେ ତାଇଓ୍ବାନ ପଟକୁ କବଜା କରିବାକୁ ଯୁଦ୍ଧାଭ୍ୟାସ ନାଁରେ ହଜାର ସେନାଙ୍କୁ ମୁତୟନ କରିଥିଲା। ଏହାର ଜବାବରେ ତାଇଓ୍ବାନ ମଧ୍ୟ ପାଖାପାଖି ୨୦୦ ମରିନ କମାଣ୍ଡୋଙ୍କ ଏକ ଦଳ ପ୍ରସାର ଦ୍ୱୀପକୁ ପଠାଇଥିଲା। ତାଇଓ୍ବାନ ସେନା ନିକଟରେ ଟୁଇଟରରେ ଏକ ଭିଡିଓ ଶେୟାର କରିଛି। ଯାହା ସ୍ପଷ୍ଟ କରୁଛି କି ଶତ୍ରୁକୁ କଡା ଜବାବ ଦେବାକୁ ତାଇଓ୍ବାନା ସେନା ସମ୍ପୂର୍ଣ୍ଣ ପ୍ରସ୍ତୁତ ରହିଛି। ଅର୍ଥାତ୍ ଚାଇନା ଯଦି ଆଗୁଆ କିଛି ପଦକ୍ଷେପ ନିଏ ତେବେ ଏହାର କଡା ଜବାବ ଦେବ ତାଇଓ୍ବାନ।