ବେଜିଂ,୨୩।୯: ଦକ୍ଷିଣ ତାଇଓ୍ବାନରେ ଏକ ବଡ ଦୁର୍ଘଟରା ହୋଇଛି। ଏଥିରେ କେତେଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ମିଳିଥିବା ସୂଚନା ଅନୁଯାୟୀ, ଗଲ୍ଫ ବଲ ଫ୍ୟାକ୍ଟ୍ରିରେ ହଠାତ ନିଆଁ ଲାଗି ଯାଇଛି, ଆଉ ଏହାପରେ ହୋଇଥିବା ବିସ୍ଫୋରଣରେ ଅତିକମରେ ୫ ଜଣଙ୍କ ମୃତ୍ୟୁ ହୋଇଛି ଓ ୧୦୦ରୁ ଅଧିକ ଆହତ ହୋଇଛନ୍ତି। ଏବେବି ୫ ଜଣଙ୍କର କୌଣସି ସୂଚନା ମିଳିନାହିଁ।
ନ୍ୟୁଜ ଏଜେନ୍ସି ଏପିର ସୂଚନା ଅନୁଯାୟୀ, ଶୁକ୍ରବାର ରାତିରେ ପିଙ୍ଗଟଙ୍ଗ ଜିଲାର କାରଖାନାରେ ନିଆଁ ଲାଗିଯାଇ ରାତିସାରା ଏହା ଜଳି ଚାଲିଥିଲା। ଅଧିକାରୀ କହିଛନ୍ତି ଯେ ଉଦ୍ଧାର କର୍ମଚାରୀମାନେ ଚାରିଜଣ କାରଖାନା କର୍ମଚାରୀ ଏବଂ ଅଗ୍ନିଶମ କର୍ମଚାରୀଙ୍କୁ ଖୋଜାଖୋଜି ଜାରି ରଖିଛନ୍ତି। ଏଥିସହ ୧୦୦ରୁ ଅଧିକ ଆହତଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି।