କୋକସରା,୧।୧୦(ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ ଆମପାଣି ଥାନା ବରାଡଙ୍ଗା ଗ୍ରାମ ତିଳ ନାଏକଙ୍କ ଘରେ କଳାକନା ବୁଳାଇଛନ୍ତି ଦୁର୍ବୁତ୍ତ। ଘରେ ଥିବା ୨୦ ଭରି ସୁନାଗହଣା, ନଗଦ ୨ ଲକ୍ଷ ଟଙ୍କା ସହ ୨ ବସ୍ତା ଚାଉଳ ଚୋରି ହୋଇଥିବା ଆମପାଣି ଥାନାରେ ଶୁକ୍ରବାର ଅଭିଯୋଗ ହୋଇଛି। ଅଭିଯୋଗ ପରେ ଆମପାଣି ପୋଲିସ ଅଧିକାରୀ ଚତୁର୍ଭୁଜ ନାଏକଙ୍କ ସହ ଏକ ଟିମ୍ ବରାଡଙ୍ଗା ଗାଁରେ ପହଞ୍ଚି ଘଟଣାସ୍ଥଳ ଅନୁଧ୍ୟାନ କରି ପରିବାର ଲୋକଙ୍କ ବୟାନ ରେକର୍ଡ କରିଥିଲେ।
ପରିବାର ଲୋକଙ୍କ କହିବା ଅନୁସାରେ ରାତି ୧୧ଟା ପର୍ଯ୍ୟନ୍ତ ଶୋଇ ନ ଥିଲେ । ହେଲେ ବିଳମ୍ବିତ ରାତିରେ କିଛି ଦୁର୍ବୃତ୍ତ ଘରେ ପଶି ଚୋରି କରିଥିବା କହିଛନ୍ତି।
ତିଳ ନାଏକଙ୍କ ଘରେ ସ୍ତ୍ରୀ ପୁଅ ବୋହୁ ଓ ନାତିଙ୍କ ସହ ୫ ଜଣ ରହୁଛନ୍ତି । ହେଲେ ଚୋରି ସମୟରେ କେହି ଟେରପାଇ ନ ଥିଲେ । ସକାଳୁ ଉଠିବା ପରେ ଘର କବାଟ ଖୋଲା ଥିବା ସହ ଚୋରି ସମ୍ପର୍କରେ ଜାଣି ଆମପାଣି ଥାନାକୁ ଜଣାଇଥିଲେ। ଏନେଇ ଥାନାରେ ଏକ ମାମଲା ୮୨/୨୧ରେ ଏକ ଚୋରି ମାମଲା ରୁଜୁ କରି ତଦନ୍ତ କରୁଥିବା ନେଇ ଆମପାଣି ପୋଲିସ ଅଧିକାରୀ ଚତୁର୍ଭୁଜ ନାଏକ ସୂଚନା ଦେଇଛନ୍ତି।