କାବୁଲ,୨ ।୨: ପେଶାୱରର ପୋଲିସ ଲାଇନରେ ଥିବା ମସଜିଦ ଉପରେ ହୋଇଥିବା ଆତ୍ମଘାତି ଆକ୍ରମଣ ସମ୍ପୂର୍ଣ୍ଣ ପାକିସ୍ତାନକୁ ଦୋହଲାଇ ଦେଇଛି । ଏହି ଆକ୍ରମଣରେ ଏବେ ପର୍ଯ୍ୟନ୍ତ ୧୦୧ ଜଣଙ୍କ ମୃତ୍ୟୁ ହେଲାଣି । ଏବେବି ୨୦୦ରୁ ଅଧିକ ଆହତଙ୍କର ହସ୍ପିଟାଲରେ ଚିକିତ୍ସା ଚାଲିଛି । ଏମାନଙ୍କ ମଧ୍ୟରେ ଅନେକେ ଏବେବି ଜୀବନ ଓ ମୃତ୍ୟୁ ସହ ଲଢେଇ କରି ଚାଲିଛନ୍ତି । ଅର୍ଥାତ୍ ମୃତକଙ୍କ ସଂଖ୍ୟା ଆଗକୁ ଆହୁରି ବଢିପାରେ ବୋଲି ଅନୁମାନ କରାଯାଉଛି ।
ଏହି ଆକ୍ରମଣ ପରେ ପାକିସ୍ତାନର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି । ଯାଞ୍ଚ ହେଉଛି କି ସୁରକ୍ଷାରେ ଏତେବଡ ଭୁଲ କେମିତି ହେଲା । ଏହାରି ଭିତରେ ଏହି ଆତ୍ମଘାତି ଆକ୍ରମଣ ପାଇଁ ନିଜକୁ ଦାୟୀ କରିଛି ତହରିକ-ଏ-ତାଲିବାନର ଏକ ସଂସ୍ଥା । ଅନ୍ୟପଟେ ଏହି ଆକ୍ରମଣ ପରେ ପାକିସ୍ତାନ ଓ ତାଲିବାନ ମଧ୍ୟରେ ବିବାଦ ବଢିବାରେ ଲାଗିଛି । ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ ଏହି ଘଟଣା ପାଇଁ ଆଫଗାନ ବର୍ଡରକୁ ଦାୟୀ କରାଇବା ପରେ ତାଲିବାନ ରାଗି ଯାଇଛି ।
ଟୋଲୋ ନ୍ୟୁଜର ସୂଚନା ଅନୁଯାୟୀ, ଅମିର ମୁତ୍ତାକୀ କହିଛନ୍ତି ପାକିସ୍ତାନ ଆଫଗାନିସ୍ତାନକୁ ଦାୟୀ କରାଇବା ଛାଡି ଦେଉ, ପାକିସ୍ତାନ ନିଜ ସମସ୍ୟା ନିଜେ ସମାଧାନ କରୁ । କେବଳ ସେତିକି ନୁହେଁ ସେ ଆହୁରି ମଧ୍ୟ କହିଛନ୍ତି ପାକିସ୍ତାନ ନିଜ ଅଳିଆ ଅନ୍ୟ ଘରେ ପକାଇବା ଛାଡି ଦେବା ଦରକାର ।
Video: Speaking at the opening of a 5,000-bed support facility for drug addicts, the acting Foreign Minister Amir Khan Muttaqi said that Pakistan should not "throw its snow on other people's roofs" and that it should deal with its own issues.#TOLOnews pic.twitter.com/1MImqsSiwo
— TOLOnews (@TOLOnews) February 1, 2023
