କାବୁଲ,୨୨ା୪: ଆଫଗାନିସ୍ତାନରେ ତାଲିବାନ କ୍ଷମତା ହାସଲ କରିବା ପରେ ମହିଳାମାନଙ୍କ ଅଧିକାର ଉପରେ କ୍ରମାଗତ ଭାବେ ଅଙ୍କୁଶ ଲଗାଯାଉଛି। ଆଫଗାନିସ୍ତାନର ଦୁଇଟି ପ୍ରଦେଶରେ ଇଦ୍ ପାଳନରେ ମହିଳା ସାମିଲ ହୋଇପାରିବେ ନାହିଁ ବୋଲି ତାଲିବାନ ପକ୍ଷରୁ ନିଷେଧାଦେଶ ଜାରି କରାଯାଇଛି। ଇଦ୍ ଉଲ୍-ଫିତର ଅବସରରେ ମହିଳାମାନେ ଏକାଠି ବାହାରକୁ ଯାଇପାରିବେ ନାହିଁ ବୋଲି ବଗ୍ଲାନ ଏବଂ ତଖର ପ୍ରଦେଶର ପ୍ରଶାସନ ପକ୍ଷରୁ ନିର୍ଦ୍ଦେଶ ଜାରି ହୋଇଛି। ପୂର୍ବରୁ ମହିଳାମାନଙ୍କ ଶିକ୍ଷା ଏବଂ ଚାକିରି ଉପରେ ତାଲିବାନ କଟକଣା ଲଗାଇଥିଲା। ୨୦୨୧ ଅଗଷ୍ଟରେ ତାଲିବାନ ଆଫଗାନିସ୍ତାନରେ କ୍ଷମତା ହାସଲ କରିଥିଲା।