କାବୁଲ,୧୫।୮: ଆଫଗାନିସ୍ତାନର କାବୁଲରେ ତାଲିବାନ ସଦସ୍ୟ ପ୍ରବେଶ କରିଛନ୍ତି। ସହରର ଆକାଶରେ ସୈନ୍ୟ ବାହିନୀ ହେଲିକପ୍ଟର ଉଡ଼ିବୁଲି ସ୍ଥିତି ଅନୁଧ୍ୟାନ କରୁଛି। ଏପରିସ୍ଥଳେ ଗୃହମନ୍ତ୍ରୀ ଅବଦୁଲ୍ ସତାର ମିର୍ଜାକ୍ୱାଲ କହିଛନ୍ତି ଯେ, ସହର ଉପରେ ଆକ୍ରମଣ ହୋଇନାହିଁ। କ୍ଷମତା ହସ୍ତାନ୍ତର ଶାନ୍ତିପୂର୍ଣ୍ଣ ଭାବେ କରାଯିବ ବୋଲି ସେ କହିଛନ୍ତି। ଅପରପକ୍ଷରେ ରାଷ୍ଟ୍ରପତି ଅଶରଫ୍ ଘନି କହିଛନ୍ତି, କାବୁଲ ସ୍ଥିତି ନିୟନ୍ତ୍ରଣରେ ରହିଛି। ଭୟ କରିବାର କୌଣସି କାରଣ ନାହିଁ। ଇତିମଧ୍ୟରେ ସହରରେ କାର୍ଯ୍ୟ କରୁଥିବା ସମସ୍ତ ସରକାରୀ କର୍ମଚାରୀଙ୍କୁ ଘରକୁ ପଠାଇ ଦିଆଯାଇଛି। ତାଲିବାନ ପକ୍ଷରୁ କୁହାଯାଇଛି କାବୁଲରେ ବଳପୂର୍ବକ ପ୍ରବେଶ କରାଯିବ ନାହିଁ। ସରକାରଙ୍କ ସହିତ ଆଲୋଚନା ଜାରି ରହିଛି। କାହା ଉପରେ ପ୍ରତିଶୋଧ ମନୋଭାବ ରଖାଯାଇ ନାହିଁ ବୋଲି ତାଲିବାନ କହିଛି।
