କାବୁଲ,୨୩।୬:ଆଫଗାନିସ୍ତାନର ତାଲିବାନ ଶାସନରେ ବହୁ କ୍ରୁରତାର ଶିକାର ହେଉଛନ୍ତି ଆଫଗାନୀ ମହିଳା। ସିରିଆ ଆଇନ ଦ୍ୱାରା ପରିଚାଳିତ ତାଲିବାନର ଶାସନ ଅଧୀନରେ ଆଫଗାନିସ୍ତାନର ମହିଳାମାନଙ୍କ ଉପରେ ଅତ୍ୟଧିକ ଅତ୍ୟାଚାର କରାଯାଉଛି ।
ମହିଳାଙ୍କ ସ୍ବାଧୀନତାକୁ ଖଣ୍ଡନ କରି ତାଲିବାନ କାନ୍ଦାହାର ପ୍ରଦେଶର ମହିଳା ସହାୟତା କର୍ମଚାରୀଙ୍କ ଉପରେ ନିର୍ଦ୍ଦେଶ ଜାରି କରିଛି। ଏହି ନିର୍ଦ୍ଦେଶ ଅନୁଯାୟୀ, କାନ୍ଦାହାର ପ୍ରଦେଶର ମହିଳାମାନେ ଆଉ ଶରଣାର୍ଥୀ ଯୋଜନାରେ କାମ କରିପାରିବେ ନାହିଁ।
ଆଫଗାନିସ୍ତାନରେ ଶରଣାର୍ଥୀଙ୍କ ସହ କାରବାର କରୁଥିବା ମନ୍ତ୍ରଣାଳୟ ଦ୍ୱାରା ଜାରି କରାଯାଇଥିବା ଏକ ଚିଠିରେ କୁହାଯାଇଛି ଯେ, ଶରଣାର୍ଥୀଙ୍କୁ ସାହାଯ୍ୟ କରୁଥିବା ଅନେକ ଏଜେନ୍ସି ପାକିସ୍ତାନ ସୀମା ନିକଟବର୍ତ୍ତୀ ସହର ସ୍ପିନ ବୋଲଡାକରେ ସରକାରୀ ନିୟମ ଉଲ୍ଲଂଘନ କରିଛନ୍ତି।
ତାଲିବାନ ଦ୍ୱାରା ଜାରି କରାଯାଇଥିବା ଏକ ବିବୃତ୍ତି ଅନୁଯାୟୀ, ଶରଣାର୍ଥୀ ଏବଂ ପ୍ରତ୍ୟାବର୍ତ୍ତନ ବିଭାଗ ସହିତ କାର୍ଯ୍ୟ କରୁଥିବା ସ୍ପିନ ବୋଲଡାକର ସମସ୍ତ ପ୍ରତିଷ୍ଠାନ ସେମାନଙ୍କ ମହିଳା କର୍ମଚାରୀଙ୍କୁ କାର୍ଯ୍ୟକୁ ନ ଆସିବା ନେଇ ସୂଚନା ପ୍ରଦାନ କରନ୍ତୁ।
