ସୋଫିଆ,୨୮।୧୨ : ବର୍ତ୍ତମାନ ୨୦୨୪ ବର୍ଷ ପାଇଁ ଆଉ କିଛି ଦିନ ବାକି ଅଛି। ଏପରିସ୍ଥଳେ, ୨୦୨୪ ବର୍ଷ ସହ ଜଡିତ ଭବିଷ୍ୟବାଣୀ ବିଷୟରେ ମଧ୍ୟ ଆଲୋଚନା କରାଯାଉଛି। ବାସ୍ତବରେ, କୁହାଯାଉଛି ବୁଲଗେରିଆର ବାବା ଭେଙ୍ଗା ଅନେକ ଭବିଷ୍ୟବାଣୀ କରିଛନ୍ତି। ସେ ୧୯୧୧ ମସିହାରେ ଜନ୍ମ ହୋଇଥିଲେ ଏବଂ ସେ ଦୃଷ୍ଟି ବାଧିତ। କୁହାଯାଉଛି ସେ ଆମେରିକାରେ ୯/୧୧ ଆତଙ୍କବାଦୀ ଆକ୍ରମଣର ସଠିକ ପୂର୍ବାନୁମାନ କରିଥିଲେ। ୨୦୨୪ ବର୍ଷ ପାଇଁ ସେ କରିଥିବା ଭବିଷ୍ୟବାଣୀ ନେଇ ଏବେ ଚର୍ଚ୍ଚା ଜୋର ଧରିଛି।
ଦ ମିରର ରିପୋର୍ଟ ଅନୁଯାୟୀ, ୨୦୨୪ ମସିହାରେ ବାବା ଭେଙ୍ଗାଙ୍କ ପୂର୍ବାନୁମାନ ରୁଷିଆର ରାଷ୍ଟ୍ରପତି ପୁଟିନଙ୍କ ଉପରେ ହୋଇଥିବା ହତ୍ୟା ଉଦ୍ୟମ ବିଷୟରେ କହିଥିଲା। ଏହାପୂର୍ବରୁ ୟୁକ୍ରେନ ଦ୍ୱାରା କ୍ରେମଲିନ ଆକ୍ରମଣ ହୋଇଛି। ଏଭଳି ପରିସ୍ଥିତିରେ ବାବା ଭେଙ୍ଗାଙ୍କ ଭବିଷ୍ୟବାଣୀକୁ ବିଶ୍ୱାସ କରାଯାଇପାରେ। ଅକ୍ଟୋବରରେ ଏହା ପ୍ରକାଶ ପାଇଥିଲା ରୁଷିଆର ସିକ୍ରେଟ ସର୍ଭିସ ଏକ ଷଡଯନ୍ତ୍ରର ଅନୁସନ୍ଧାନ କରୁଛି। ତେବେ ଧମକ ମଧ୍ୟରେ ପୁଟିନ ଆସନ୍ତା ବର୍ଷ ପୁନର୍ବାର ନିର୍ବାଚନ ଲଢ଼ିବାକୁ ଘୋଷଣା କରିଛନ୍ତି।
ବାବା ଭେଙ୍ଗା ବିପଜ୍ଜନକ ଅସ୍ତ୍ର ସହ ଜଡିତ ଭବିଷ୍ୟବାଣୀ ମଧ୍ୟ ଦେଇଛନ୍ତି। ତାଙ୍କର ଏକ ଭବିଷ୍ୟବାଣୀ ଅନୁଯାୟୀ, ଏକ ବଡ ଦେଶ ଆସନ୍ତା ବର୍ଷ ପରମାଣୁ ପରୀକ୍ଷା କରିପାରେ। ଏହା ବ୍ୟତୀତ ୟୁରୋପରେ ଆତଙ୍କବାଦୀ କାର୍ଯ୍ୟକଳାପ ବୃଦ୍ଧି ନେଇ ସେ ଉଦବେଗ ପ୍ରକାଶ କରିଛନ୍ତି। ୟୁରୋପରେ ଇସଲାମିକ ମୌଳବାଦୀମାନେ କ୍ରମାଗତ ଭାବରେ ବୃଦ୍ଧି ପାଉଛନ୍ତି। ବ୍ରିଟେନର ସୁରକ୍ଷା ଏଜେନ୍ସି ଅନୁଯାୟୀ, ଇସ୍ରାଏଲ-ହମାସ ଯୁଦ୍ଧ ପରଠାରୁ ଆତଙ୍କବାଦୀ ଆକ୍ରମଣର ଆଶଙ୍କା ବୃଦ୍ଧି ପାଇଛି।
ବାବା ଭେଙ୍ଗାଙ୍କ ଅନୁଯାୟୀ, ଏକ ବଡ଼ ପରିବର୍ତ୍ତନ ହେବ, ଯାହା ସାଧାରଣତଃ ଏକ ଦୀର୍ଘ ସମୟ ମଧ୍ୟରେ ହୋଇଥାଏ। କିନ୍ତୁ ଯଦି ଏହା ଶୀଘ୍ର ଘଟେ, ଏକ ଭୟଙ୍କର ପ୍ରାକୃତିକ ବିପର୍ଯ୍ୟୟ ହୋଇପାରେ।
ବାବା ଭେଙ୍ଗାଙ୍କ ଅନୁଯାୟୀ ୨୦୨୪ ମସିହାରେ ଏକ ପ୍ରମୁଖ ଅର୍ଥନୈତିକ ସଙ୍କଟ ମଧ୍ୟ ଦେଖାଯିବ। ଏହା ବିଶ୍ୱ ଅର୍ଥନୀତି ଉପରେ ପ୍ରଭାବ ପକାଇବ। ଋଣ ସ୍ତର ବୃଦ୍ଧି, ଭୌଗୋଳିକ ରାଜନୈତିକ ତିକ୍ତତା ଏବଂ ପଶ୍ଚିମରୁ ପୂର୍ବକୁ ଅର୍ଥନୈତିକ ଶକ୍ତି ପରିବର୍ତ୍ତନ ହେତୁ ଏହା ହେବ ବୋଲି ସେ ଦାବି କରିଛନ୍ତି।
ସାଇବର ଆକ୍ରମଣରେ ବୃଦ୍ଧି ଘଟିବାକୁ ବାବା ଭେଙ୍ଗା ମଧ୍ୟ ଚେତାବନୀ ଦେଇଛନ୍ତି। ୨୦୨୪ ମସିହାରେ ପାୱାର ଗ୍ରୀଡ ଏବଂ ୱାଟର ଟ୍ରିଟମେଣ୍ଟ ପ୍ଲାଣ୍ଟ ହ୍ୟାକରଙ୍କ ଟାର୍ଗେଟ ହେବ ବୋଲି ବିଶ୍ୱାସ କରାଯାଏ। ଏହା ସେମାନଙ୍କ ସୁରକ୍ଷା ପ୍ରତି ବିପଦ ସୃଷ୍ଟି କରିବ।
ବାବା ଭେଙ୍ଗାଙ୍କ ଅନୁଯାୟୀ, ୨୦୨୪ ମସିହାରେ ଚିକିତ୍ସା କ୍ଷେତ୍ରରେ ଅନେକ ଗୁରୁତ୍ୱପୂର୍ଣ୍ଣ ଆବିଷ୍କାର କରାଯାଇପାରିବ। ଅଲଜାଇମର ଏବଂ କର୍କଟ ଭଳି ରୋଗ ପାଇଁ ଔଷଧ ବିକଶିତ ହୋଇପାରିବ ବୋଲି ଭବିଷ୍ୟବାଣୀରେ ଉଲ୍ଲେଖ କରାଯାଇଛି।