ମୁମ୍ବାଇ: ଜୁନିୟର ଏନ୍ଟିଆର୍ଙ୍କ ପରେ ବର୍ତ୍ତମାନ ‘ୱାର୍-୨’ରେ ଅଭିନେତ୍ରୀ କିଆରା ଆଡ୍ଭାନୀଙ୍କୁ ଦେଖିବାକୁ ମିଳିବ। କିଆରା ନିକଟରେ ଏକ ଫିଲ୍ମ ଇଭେଣ୍ଟରେ ଯୋଗଦେଇ ଆର୍ଯ୍ୟନ୍ ମୁଖାର୍ଜୀଙ୍କ ଏହି ଫିଲ୍ମରେ ତାଙ୍କ ଏଣ୍ଟ୍ରିକୁ ନେଇ ଇସାରା ଦେଇଛନ୍ତି। ହେଲେ ପ୍ରଡକ୍ସନ ହାଉସ ପକ୍ଷରୁ ଏନେଇ କୌଣସି ଘୋଷଣା କରାଯାଇନି। ପ୍ରଡକ୍ସନ ହାଉସ ଏ ବିଷୟରେ ଘୋଷଣା କଲେ ଜଣାପଡ଼ିବ ବୋଲି ସେ କହିଛନ୍ତି। ସିନେମାରେ ଜୁନିୟର ଏନ୍ଟିଆର୍ ଏବଂ ହ୍ରିତିକ୍ ରୋଶନଙ୍କୁ ଦେଖିବାକୁ ମିଳିବ। ନିକଟରେ କିଆରାଙ୍କ ଚଳଚ୍ଚିତ୍ର ‘ସତ୍ୟପ୍ରେମ କି କଥା’ରେ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ସହ ଦେଖିବାକୁ ମିଳିଥିଲା। ଫିଲ୍ମ ବକ୍ସ ଅଫିସରେ ଭଲ କଲେକ୍ସନ କରୁଛି। କିଆରା ୨୦୧୪ରେ ତାଙ୍କ ବଲିଉଡ୍ କ୍ୟାରିୟର ଆରମ୍ଭ କରିଥିଲେ। ସେବେଠାରୁ ତାଙ୍କ ପ୍ରଶଂସକଙ୍କୁ ଅନେକ ମୁଭି ଭେଟି ଦେଇଆସିଛନ୍ତି। ତେବେ ଶେଷଥର ପାଇଁ ସେ ‘ସତ୍ୟପ୍ରେମ କି କଥା’ରେ ନଜରକୁ ଆସିଥିଲେ। ଏହା ପରେ ତାଙ୍କ ହାତରେ ଅନ୍ୟ ଏକ ସିନେମା ରହିଛି। ଏଥିସହ ସେ ଅନେକ ମ୍ୟୁଜିକ୍ ଭିଡିଓରେ ଦେଖିବାକୁ ମିଳିଛନ୍ତି।