ଓ୍ବାଶିଂଟନ,୩।୪ : ମଙ୍ଗଳବାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମ୍ଭାବ୍ୟ ଆତ୍ମସମର୍ପଣ ନେଇ ନ୍ୟୁୟର୍କ ପୋଲିସ ସମ୍ପୂର୍ଣ୍ଣ ପ୍ରସ୍ତୁତି ଚଳାଇଛି। ନ୍ୟୁୟର୍କ ପୋଲିସ ଛାଉଣୀରେ ପରିଣତ ହୋଇଛି। ମିଡିଆ ରିପୋର୍ଟ ଅନୁଯାୟୀ, ଟ୍ରମ୍ପ ଟାୱାର ଚାରିପାଖରେ ପୋଲିସ ମେଟାଲ ବ୍ୟାରିକେଡିଂ କରିଛି। ଏଥିସହ ମ୍ୟାନହଟନ କ୍ରାଇମ କୋର୍ଟ ନିକଟରେ ରାସ୍ତା ଅବରୋଧ କରାଯାଇଛି। ପୂର୍ବତନ ରାଷ୍ଟ୍ରପତିଙ୍କୁ ମଙ୍ଗଳବାର ଅପରାହ୍ନରେ କୋର୍ଟ ପରିସରରେ ହାଜର କରାଯିବ ବୋଲି କଚହାଯାଉଛି।
ଟ୍ରମ୍ପଙ୍କ ବିରୋଧରେ ପର୍ନ ଷ୍ଟାରଙ୍କୁ ଅର୍ଥ ଦେବାର ଅଭିଯୋଗ ପ୍ରମାଣିତ ହୋଇଛି। ତାଙ୍କ ବିରୋଧରେ ହୋଇଥିବା ଅଭିଯୋଗର ଯାଞ୍ଚ ପାଇଁ ଏକ ଗ୍ରାଣ୍ଡ ଜଜ ଜୁରୀ ଅନୁମତି ପ୍ରଦାନ କରିଥିଲେ। ଏଭଳି ପରିସ୍ଥିତିରେ ସେ ଆମେରିକାର ପ୍ରଥମ ପୂର୍ବତନ ରାଷ୍ଟ୍ରପତି ଯିଏକି ଅପରାଧିକ ଅଭିଯୋଗର ସମ୍ମୁଖୀନ ହୋଇଥିଲେ।
ରିପବ୍ଲିକାନ କଂଗ୍ରେସ ମହିଳା ମାରଜୋରୀ ଟେଲର ଗ୍ରୀନଙ୍କ ସମେତ ଶୀର୍ଷ ସମର୍ଥକମାନେ କହିଛନ୍ତି ଯେ ସେମାନେ ବିରୋଧ କରିବାକୁ ମଙ୍ଗଳବାର ନ୍ୟୁୟର୍କ ଯିବେ। ଜଣେ କୋର୍ଟ ଅଧିକାରୀ କହିଛନ୍ତି ଯେ ଅପରାଧିକ ତଥା ସର୍ବୋଚ୍ଚ ନ୍ୟାୟାଳୟ ଥିବା ଡାଉନ ଟାଉନ କୋର୍ଟ ଟ୍ରମ୍ପଙ୍କ ଉପସ୍ଥିତି ପୂର୍ବରୁ କିଛି କୋର୍ଟ ବନ୍ଦ କରାଯିବ।
