ବର୍ତ୍ତମାନ ଦକ୍ଷିଣ ଭାରତୀୟ ସିନେମାକୁ ଲୋକେ ଅଧିକ ପସନ୍ଦ କରୁଛନ୍ତି। ଏହାସହ ଫିଲ୍ମକୁ ଅଧିକ ସଫଳତା ମଧ୍ୟ ମିଳୁଛି। ଏନେଇ ଏବେ ଦକ୍ଷିଣୀ ଚଳଚ୍ଚିତ୍ରକୁ ବଲିଉଡ୍ ସହ ତୁଳନା କରାଯାଉଛି। ଏହାକୁ ନେଇ ଅନେକ ବିତର୍କ ଆରମ୍ଭ ହୋଇଥିବାବେଳେ ବହୁ କଳାକାର ନିଜର ମତ ପ୍ରକାଶ କରିସାରିଲେଣି। ତେବେ ଏହି ପ୍ରସଙ୍ଗକୁ ନେଇ ନୀରବତା ଭାଙ୍ଗିଛନ୍ତି ଅଭିନେତ୍ରୀ ତମନ୍ନା ଭାଟିଆ। ଏହି ବିତର୍କକୁ ନେଇ ତମନ୍ନା ହିନ୍ଦୁସ୍ଥାନ ଟାଇମ୍ସକୁ ଏକ ସାକ୍ଷାତ୍କାର ଦେଇଛନ୍ତି। ସେଥିରେ ସାଉଥ୍ ଏବଂ ବଲିଉଡ୍ର ତୁଳନା ବିଷୟରେ ତମନ୍ନା କହିଛନ୍ତି, ଆମେ ହିଁ ଏହାକୁ ଆରମ୍ଭ କରିଛୁ। ଆଉ ଏବେ ଆମେ ହିଁ ଏହାକୁ ଭିନ୍ନ ଦୃଷ୍ଟିରେ ଦେଖୁଛୁ। ବିଦେଶରେ କେହି ଏଭଳି ଚିନ୍ତା କରୁନାହାନ୍ତି। ଦିଆଯାଇଥିବା ମନ୍ତବ୍ୟକୁ ଭୁଲ୍ ଭାବେ ଗ୍ରହଣ କରାଯାଉଥିବା ତମନ୍ନା କହିଛନ୍ତି। ଏହାପରେ ହଠାତ୍ ବଲିଉଡ୍ ଏବଂ ସାଉଥ୍କୁ ଇଣ୍ଡଷ୍ଟ୍ରିକୁ ନେଇ ତୁଳନା ଆରମ୍ଭ ହୋଇଥିଲା। ହେଲେ ଏହା ଗୁରୁତ୍ୱପୂର୍ଣ୍ଣ ନୁହେଁ। କାରଣ ସମଗ୍ର ବିଶ୍ୱ ଏସବୁ ଫିଲ୍ମକୁ ଭାରତୀୟ ସିନେମା ଭାବେ ଦେଖନ୍ତି। ଯେବେ ତମନ୍ନା କାନ୍ସ ଫିଲ୍ମ ଫେଷ୍ଟିଭାଲରେ ସାମିଲ ହୋଇଥିଲେ। ସେ ଜାଣିବାକୁ ପାଇଥିଲେ ଯେ ବାହାର ଲୋକେ ଏହାକୁ କିପରି ଦେଖନ୍ତି। ଭାରତର ଅନେକ ଫିଲ୍ମ ଏହି ଫେଷ୍ଟିଭାଲରେ ପ୍ରଦର୍ଶିତ ହୋଇଥିଲା। ସେଠାରେ କେହି ଏହାକୁ ଦକ୍ଷିଣ କି ବଲିଉଡ୍ ସିନେମା ବୋଲି କହୁ ନ ଥିଲେ, ସମସ୍ତେ ଭାରତୀୟ ଚଳଚ୍ଚିତ୍ର ବୋଲି କହୁଥିଲେ। ତେବେ ଆମେ ଯେଉଁ ବଲିଉଡ୍ ଏବଂ ସାଉଥ୍ ଇଣ୍ଡଷ୍ଟ୍ରି ମଧ୍ୟରେ ତୁଳନା ଆରମ୍ଭ କରିଛେ ତାହା ସମ୍ପୂର୍ଣ୍ଣ ନିରର୍ଥକ।