ପ୍ରଥମେ ଘରୁ ଚୋରି ହେଲା, କିଛିଦିନ ପରେ ଚୋରମାନେ ଚୋରି କରିଥିବା କିଛି ସାମଗ୍ରୀକୁ ଫେରସ୍ତ କରିଲେ। ଏପରିକି ଏକ କ୍ଷମା ପ୍ରାର୍ଥନା ଚିଠି ଛାଡ଼ିଦେଇଗଲେ। କିଛି ଏଭଳି ଘଟଣା ମଦୁରାଇର ଉସିଲାମପଟ୍ଟୀରେ ରହୁଥିବା ଲୋକପ୍ରିୟ ତାମିଲ ଚଳଚ୍ଚିତ୍ର ନିର୍ଦ୍ଦେଶକ ମଣିକନ୍ଦମଙ୍କ ସହ ଘଟିଛି। ତାଙ୍କ ଘରୁ ଏକ ଚୋରି ହୋଇଥିଲା। ଚୋରମାନେ ତାଙ୍କ ଘରୁ ସୁନା ଅଳଙ୍କାର, ନଗଦ ଟଙ୍କା ଏବଂ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ନେଇ ଯାଇଥିଲେ। ସେଥିରେ ନିର୍ଦ୍ଦେଶକଙ୍କ କିଛି ଜାତୀୟ ପୁରସ୍କାର ଏବଂ ପଦକ ଥିଲା।
ମଣିକନ୍ଦମଙ୍କ ପରିବାର ସହିତ ଚେନ୍ନାଇରେ ଥିବାବେଳେ ଘରୁ ଚୋରି ହୋଇଥିଲା। ଚୋରି ବିଷୟରେ ଜାଣିବା ପରେ ସେ ଉସିଲାମପାଟୀ ପୋଲିସ ନିକଟରେ ଏକ ମାମଲା ରୁଜୁ କରିଥିଲେ। ଏହି ଘଟଣାର କିଛି ଦିନ ପରେ ଚୋରମାନେ ମାଣିକନ୍ଦମଙ୍କ ଜାତୀୟ ପୁରସ୍କାର ଏବଂ ପଦକକୁ ପଲିଥିନ ବ୍ୟାଗରେ ରଖି ଏ ତାଙ୍କ ଘରର ପାଚେରୀରେ ଝୁଲାଇ ଦେଇଥିଲେ। ଏଥିରେ ସେ କ୍ଷମା ପ୍ରାର୍ଥନା ମଧ୍ୟ ଛାଡିଥିଲେକ, ଯେଉଁଥିରେ ଲେଖାଯାଇଥିଲା – ମୋତେ କ୍ଷମା କର ଭାଇ। ତୁମର କଠିନ ପରିଶ୍ରମ କେବଳ ତୁମର। ତେବେ ଚୋରମାନେ ଜାତୀୟ ପୁରସ୍କାର ଏବଂ ପଦକ ଫେରସ୍ତ କରିଥିଲେ ହେଁ ସୁନା ଅଳଙ୍କାର ଏବଂ ନଗଦ ଟଙ୍କା ଫେରସ୍ତ କରି ନ ଥିଲେ। ପୋଲିସ ଏପର୍ଯ୍ୟନ୍ତ ସେମାନଙ୍କୁ ଧରି ପାରିନାହିଁ।