ଚେନ୍ନାଇ,୫।୪: ତାମିଲନାଡୁରେ ବିଧାନସଭା ନିର୍ବାଚନ ପାଇଁ ଆସନ୍ତାକାଲି ଅର୍ଥାତ୍ ଏପ୍ରିଲ ୬ରେ ମତଦାନ ହେବାକୁ ଯାଉଛି। ଏହା ପୂର୍ବରୁ ପୂର୍ବତନ ମୁଖ୍ୟମନ୍ତ୍ରୀ ଜୟଲଳିଥାଙ୍କ ନିକଟତମ ବନ୍ଧୁ ଶଶିକଳାଙ୍କ ନାମ ଭୋଟର ଲିଷ୍ଟରୁ ଉଭାନ ହୋଇଯାଇଛି। ଏହାକୁ ନେଇ ବିବାଦ ଆରମ୍ଭ ହୋଇଯାଇଛି। ଜେଲ୍ ଯିବା ପୂର୍ବରୁ ଶଶିକଳା ଜୟଲଳିଥାଙ୍କ ସହ ପୋଏସ୍ ଗାର୍ଡେନରେ ଥିବା ତାଙ୍କ ନିବାସରେ ରହୁଥିଲେ। କିନ୍ତୁ ଏବେ ସରକାର ସେହି ଘରକୁ ଅଧିଗ୍ରହଣ କରିନେଇ ଏକ ମ୍ୟୁଜିୟମ୍ କରିଛନ୍ତି। ଶଶିକଳାଙ୍କର କୌଣସି ନିର୍ଦ୍ଧିଷ୍ଟ ଠିକଣା ନ ଥିବାରୁ ଭୋଟର ଲିଷ୍ଟରେ ତାଙ୍କ ନାମ ନ ଥିବା କୁହାଯାଇଛି। ସୂଚନାଯୋଗ୍ୟ, ନିର୍ବାଚନ ପୂର୍ବରୁ ଜେଲ୍ରୁ ବାହାରିଥିବା ଶଶିକଳା ଏଥର ରାଜନୀତି କରିବେ ବୋଲି ଆଲୋଚନା ହେଉଥିଲା। କିନ୍ତୁ ସେ ଆଉ ରାଜନୀତି କରିବେ ନାହିଁ ବୋଲି ଘୋଷଣା କରିଛନ୍ତି।