ଭୁବନେଶ୍ୱର,୫।୧୦ ପ୍ରମୁଖ ଗହଣା ବ୍ରାଣ୍ଡ୍ ତନିସ୍କ ପକ୍ଷରୁ ଏହାର ଏକ୍ସକ୍ଲୁସିଭ ପୂଜା କଲେକ୍ସନ ‘ସାଜ୍’ର ଉନ୍ମୋଚନ କରାଯାଇଛି। ସ୍ଥାନୀୟ ଚନ୍ଦ୍ରଶେଖରପୁରସ୍ଥିତ ତନିସ୍କ ଷ୍ଟୋରରେ ତନିସ୍କର ଏବିଏମ୍ ଅରିନ୍ଦମ ପ୍ରାମାଣିକ ଏବଂ ଷ୍ଟୋର ପକ୍ଷରୁ ଲିପ୍ସା ହଂସ ଉପସ୍ଥିତ ରହି ଏହାକୁ ବଜାର ପ୍ରବେଶ କରାଇଥିଲେ। ପାର୍ବଣକୁ ଧ୍ୟାନରେ ରଖି କମ୍ପାନୀ ଏଭଳି ପଦକ୍ଷେପ ଗ୍ରହଣ କରିଛି। ନୂଆ କଲେକ୍ସନଗୁଡ଼ିକୁ ନିଖୁଣ ଭାବେ ଡିଜାଇନ କରାଯାଇଛି। ଗହଣାଗୁଡ଼ିକ ପାରମ୍ପରିକ ସହ ଅତ୍ୟାଧୁନିକ ଏବଂ ସମସାମୟିକ ଛାପ ରହିଛି। ସେହିଭଳି ପାର୍ବଣ ଉପଲକ୍ଷେ ତନିସ୍କ ଆକର୍ଷଣୀୟ ଅଫର ଘୋଷଣା କରିଛି। ଗ୍ରାହକ ସୁନାର ଗଢ଼ାମୂଲ୍ୟ ଏବଂ ହୀରାର ମୂଲ୍ୟ ଉପରେ ୨୫% ପର୍ଯ୍ୟନ୍ତ ରିହାତି ପାଇପାରିବେ। ଏହି ଅଫର ସୀମିତ ସମୟ ଲାଗି ଉପଲବ୍ଧ ରହିବ। ନୂଆ କଲେକ୍ସନକୁ ତନିସ୍କର ମାଷ୍ଟର କାରିଗରଙ୍କ ଦ୍ୱାରା ଅତ୍ୟନ୍ତ ନିଖୁଣ ଭାବେ ଡିଜାଇନ କରାଯାଇଛି। ବଙ୍ଗାଳୀ ଏବଂ ଓଡିଆ କାରିଗରମାନେ ସାଜ୍ର ପ୍ରତ୍ୟେକ ପିସ୍କୁ ଡିଜାଇନ କରିଥିବା ବେଳେ ଏହା ମଧ୍ୟରେ ପଟିହାର, ସୀତାହାର, ଚାନ୍ଦବାଲି, ଝୁମକା, ରାଣୀହାର, ବାଲା, ଚୁଡି, ଚୁଡ୍, ମନ୍ତସା, ଖଡୁ, ଶଙ୍ଖା ଏବଂ ଆହୁରି ଅନେକ ଗହଣା ଡିଜାଇନ ରହିଛି।
ସିଗ୍ନେଚର ତନିସ୍କ ଷ୍ଟାଇଲରେ ଏସବୁକୁ ପ୍ରସ୍ତୁତ କରାଯାଇଛି। ନୂଆ କଲେକ୍ସନ ମାତ୍ର ୧୦ ହଜାର ଟଙ୍କାରୁ ଆରମ୍ଭ ହେଉଛି। ଓଡ଼ିଶାରେ ଥିବା ସମସ୍ତ ତନିସ୍କ ଷ୍ଟୋରରେ ଏହା ଉପଲବ୍ଧ ହେବ। ‘ଉତ୍ସବ ଆମର, ସାଜସଜ୍ଜା ବି ଆମର’ କ୍ୟାମ୍ପେନ ଜରିଆରେ ତନିସ୍କ ଓଡ଼ିଆ ମହିଳାଙ୍କୁ ନିଜ ପାଇଁ ଉପଯୁକ୍ତ ସାଜ୍ ପସନ୍ଦ କରିବାକୁ ଅନୁରୋଧ କରିଛି। ଏଥି ସହିତ ଚଳିତ ପାର୍ବଣରେ ଘରକୁ ସମୃଦ୍ଧି ଆଣିବାରେ ଏହା ଯୋଗଦାନ ରଖିବ ବୋଲି ଷ୍ଟୋର ପକ୍ଷରୁ ସୂଚନା ଦିଆଯାଇଛି। ପ୍ରତ୍ୟେକ ଓଡିଆ ମହିଳାଙ୍କୁ ସଜେଇବା ଲାଗି ଏଭଳି ବିଭିନ୍ନ ଡିଜାଇନ ପ୍ରସ୍ତୁତ କରାଯାଇଥିବା ଟାଇଟାନ କମ୍ପାନୀ ଲିମିଟେଡର ପୂର୍ବାଞ୍ଚଳ ବ୍ୟବସାୟ ମୁଖ୍ୟ ଅମିତ ଧରାପ କହିଛନ୍ତି। ୧୫୦ ଗହଣା ପିସ୍ ଏହି କଲେକ୍ସନରେ ରହିଛି, ଯାହା ପାର୍ବଣକୁ ଉତ୍ସବମୁଖର କରିବ।