ଜୁନାଗଡ଼,୧୭ା୧୦(ଡି.ଏନ୍.ଏ.): ସର୍ବଭାରତୀୟ ମେଡିକାଲ ପ୍ରବେଶିକା ପରୀକ୍ଷା (ନିଟ୍)ର ଫଳାଫଳ ଶୁକ୍ରବାର ପ୍ରକାଶ ପାଇଛି । ଏଥିରେ କଳହାଣ୍ଡି ଜିଲା ଜୁନାଗଡ଼ ସହରର ତନିଶ କୁମାର ସିଙ୍ଘଲ ଉତ୍ତୀର୍ଣ୍ଣ ହୋଇଛନ୍ତି। ସେ ୬୭୬ ନମ୍ବର ରଖି ସର୍ବଭାରତୀୟ ସ୍ତରରେ ୮୪୫ ର଼୍ୟାଙ୍କରେ ରହିଛନ୍ତି। ସେ ଜୁନାଗଡ଼ ସହରର ମନୋଜ ଅଗ୍ରଓ୍ବାଲ ଓ ନିର୍ମଳା ଅଗ୍ରଓ୍ବାଲଙ୍କ ପୁଅ ଅଟନ୍ତି। ତାଙ୍କର ଏହି ସଫଳତା ଜଣାପଡ଼ିବା ପରେ ପରିବାରବର୍ଗ ସମେତ ଜୁନାଗଡ଼ ଅଞ୍ଚଳରେ ଖୁସିର ଲହରୀ ଖେଳିଯାଇଛି। ଭବିଷ୍ୟତରେ ଜଣେ ଭଲ ଡାକ୍ତର ହୋଇ ଲୋକଙ୍କ ସେବା କରିବେ ବୋଲି ତନିଶ ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି। ତନିଶ ମାଟ୍ରିକରେ ୯୫% ଓ ଯୁକ୍ତ ୨ରେ ୯୭% ନମ୍ବର ରଖିଥିଲେ। ଏହି ସଫଳତା ପାଇଁ ଶନିବାର ଜୁନାଗଡ଼ ସହର ଉଗ୍ରସେନ ଭବନଠାରେ ତାଙ୍କୁ ସମ୍ମାନିତ କରାଯାଇଛି।