ଭୁବନେଶ୍ୱର, ୧୮।୩ (କ୍ରୀଡ଼ା ପ୍ରତିନିଧି)- ପଶ୍ଚିମବଙ୍ଗର ଆସନସୋଲଠାରେ ଚଳିତ ମାସ ୧୧ରୁ ୧୪ ପର୍ଯ୍ୟନ୍ତ ପୂର୍ବାଞ୍ଚଳ ବନ୍ଧୁକ ଚାଳନା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ ଭାଗ ନେଇଥିବା ଓଡ଼ିଶାର ୩୦ ପ୍ରତିଯୋଗୀଙ୍କ ମଧ୍ୟରୁ ୧୧ ଜଣ ଜାତୀୟ ପ୍ରତିଯୋଗିତା ପାଇଁ ଯୋଗ୍ୟତା ଅର୍ଜନ କରିଛନ୍ତି। ଅନୁଗୋଳର ତନିସ୍କା ସାମନ୍ତ ଏୟାର ରାଇଫଲ ପିପ୍ ସାଇଟ୍ ବାଳିକା ବିଭାଗର ୩ ବର୍ଗରେ ୧ ରୌପ୍ୟ ଓ ୨ ବ୍ରୋଞ୍ଜ ପଦକ ହାସଲ କରିଛନ୍ତି। ଜାତୀୟ ପ୍ରତିଯୋଗିତା ପାଇଁ ଯୋଗ୍ୟତା ପାଇଥିବା ଓଡ଼ିଆ ପ୍ରତିଯୋଗୀମାନେ ହେଲେ ସୁଜଳ କୁମାର, ଶ୍ରେୟସ ଦିବ୍ୟଦର୍ଶନ ମିଶ୍ର, ଅଭିଲିପ୍ସା ପାତ୍ର, ସହସ୍ରାଂଶୁ ମିଶ୍ର, ଆଚାର୍ଯ୍ୟ ସ୍ବୟଂ ସମ୍ବିତ, ଅର୍ଦ୍ଧେନ୍ଦୁ ପାଢ଼ୀ, ପୀୟୂଷ କୁମାର ଷଡ଼ଙ୍ଗୀ, ସର୍ବାଂଶ ମିଶ୍ର, ସିଦ୍ଧାର୍ଥ ଗଣେଶନ, ଦିବ୍ୟଶ ଚୋପଦାର ଏବଂ ଓଡ଼ିଶା ରାଇଫଲ ଆସୋସିଏଶନର ଟିମ୍ ମ୍ୟାନେଜର ଏବଂ କୋଚ୍ ଆଶିଷ ନାୟକ। କୃତୀ ପ୍ରତିଯୋଗୀମାନଙ୍କୁ ଓଡ଼ିଶା ରାଇଫଲ ଆସୋସିଏଶନର ପୃଷ୍ଠପୋଷକ କଳିକେଶ ନାରାୟଣ ସିଂଦେଓ, ସଭାପତି ଅନଙ୍ଗ ଉଦୟ ସିଂଦେଓ ଏବଂ ସମ୍ପାଦକ ଡ. ହରିପ୍ରସାଦ ପଟ୍ଟନାୟକ ଅଭିନନ୍ଦନ ଜଣାଇଛନ୍ତି।