ଭୁବନେଶ୍ୱର,୧୮।୭ (ଅଭୟ ଦାଶ): ଦେଶର ଅଗ୍ରଣୀ ଅଳଙ୍କାର ପ୍ରତିଷ୍ଠାନ ତଥା ସର୍ବବୃହତ୍ ଗହଣା ରିଟେଲ ବ୍ରାଣ୍ଡ୍ ‘ତନିସ୍କ’ର ନୂତନ କଲେକ୍ସନ ‘ସଙ୍ଗ୍ ଅଫ୍ ସୁନ୍ଦରବନ୍’ର ଆନୁଷ୍ଠାନିକ ଉନ୍ମୋଚନ (ଅନାବରଣ) ନିକଟରେ ହୋଇଯାଇଛି। ଏହି ପରିପ୍ରେକ୍ଷୀରେ ଭୁବନେଶ୍ୱର ଚନ୍ଦ୍ରଶେଖରପୁରସ୍ଥିତ ତନିସ୍କ ଏକ୍ସକ୍ଲୁସିଭ ଆଉଟ୍ଲେଟ୍ ପରିସରରେ ଏକ ସ୍ବତନ୍ତ୍ର ଅନାବରଣ ଉତ୍ସବର ଆୟୋଜନ କରାଯାଇଥିଲା। ଏହି ଅବସରରେ ତନିସ୍କର ଏବିଏମ୍ ଆର୍ଯ୍ୟେନ୍ଦୁ ବୁନ୍ଦେଲଙ୍କ ସମେତ ବିଏ ଯୋଗେନ୍ଦ୍ର ହଂସ, ମାଣିକ ହଂସ, ଅକ୍ଷୟ ହଂସ ଏବଂ ବିବେକ ହଂସ ଓ ଅନ୍ୟମାନେ ଉପସ୍ଥିତ ଥିଲେ। ଅପରପକ୍ଷରେ ତନିସ୍କର ବହୁ ପ୍ରତୀକ୍ଷିତ କାର୍ଯ୍ୟକ୍ରମ ‘ଫେଷ୍ଟିଭାଲ ଅଫ୍ ଡାଇମଣ୍ଡ୍ସ’ର ମଧ୍ୟ ଶୁଭାରମ୍ଭ କରାଯାଇଥିଲା।
ସେହିଭଳି ତନିସ୍କ ପକ୍ଷରୁ ହୀରା ଗହଣାର ମୂଲ୍ୟ ଉପରେ ୨୦% ପର୍ଯ୍ୟନ୍ତ ସ୍ବତନ୍ତ୍ର ରିହାତି ପ୍ରଦାନ କରାଯାଉଛି। ଏହା ସହ ଗ୍ରାହକ ୧୦୦% କରେଣ୍ଟ ଭାଲ୍ୟୁ ସହ ନିଜ ପୁରୁଣା ସୁନାକୁ ବଦଳାଇ ଆକର୍ଷଣୀୟ ନୂଆ ହୀରା ଗହଣା ମଧ୍ୟ ପାଇପାରିବେ। ଏପରିକି ହୀରା କାନଫୁଲ, ବ୍ରେସ୍ଲେଟ୍, ନେକ୍ଲେସ୍, ମୁଦି ଏବଂ ଅନ୍ୟାନ୍ୟ ଗହଣାର ବିସ୍ତୃତ ତଥା ନୂତନ ଡିଜାଇନ ମଧ୍ୟ ପାଇପାରିବେ। ସେହିପରି ତନିସ୍କର ‘ଫେଷ୍ଟିଭାଲ ଅଫ୍ ଡାଇମଣ୍ଡ୍ସ’ କାର୍ଯ୍ୟକ୍ରମ ଜରିଆରେ ଗ୍ରାହକ ୧୦,୦୦୦ ରୁ ଊର୍ଦ୍ଧ୍ୱ ପ୍ରାକୃତିକ ହୀରା ଗହଣାର ବ୍ୟାପକ ଡିଜାଇନରୁ ନିଜ ମନ ପସନ୍ଦର ଗହଣା ଚୟନ କରିପାରିବେ। ଏପରିକି ପ୍ରତ୍ୟେକ ପସନ୍ଦ ଏବଂ ଅବସର ପାଇଁ ଏଗୁଡ଼ିକ ଉଦ୍ଦିଷ୍ଟ ରହିଛି ବୋଲି ଷ୍ଟୋର ପକ୍ଷରୁ ବିସ୍ତୃତ ଭାବେ ଆଲୋକପାତ କରାଯାଇଛି। ଅପରପକ୍ଷରେ ଉତ୍କୃଷ୍ଟ ଲାଳିତ୍ୟକୁ ଦର୍ଶାଉଥିବା କାଳଜୟୀ ସଲିଟାୟାରଠାରୁ ଆରମ୍ଭକରି ବିଶେଷ କଳାକୃତିକୁ ଦର୍ଶାଉଥିବା ଜଟିଳ ମଲ୍ଟି ଷ୍ଟୋନ୍ ଡିଜାଇନ,ପ୍ରତ୍ୟେକ ପିସ୍ ଗହଣା ହୀରାର ପ୍ରାକୃତିକ ସୌନ୍ଦର୍ଯ୍ୟ ଏବଂ ଚମକକୁ ଏହା ପ୍ରଦର୍ଶିତ କରୁଛି। ନୂ୍ୟନତମ ଡିଜାଇନ ହେଉ ଅବା ଷ୍ଟେଟ୍ମେଣ୍ଟ ପିସ୍,ତନିସ୍କ ଆକର୍ଷଣୀୟ ବର୍ଗର କଟ୍, କ୍ୟାରେଟ୍ ଏବଂ ସେଟିଂସ ପ୍ରଦାନ କରୁଛି।