କାଠମାଣ୍ଡୁ,୨୯ା୫: ନେପାଳରେ ତାରା ଏୟାର-୯ ବିମାନ ଯୋଗାଯୋଗ ହରାଇଛି। ରବିବାର ସକାଳେ ବିମାନଟି ଉଡ଼ାଣ କରିଥିଲା। ବିମାନବନ୍ଦର ଅଧିକାରୀଙ୍କ କହିବାନୁସାରେ, ତାରା ଏୟାରର ଡବଲ ଇଞ୍ଜିନ ବିମାନ ଆଜି ସକାଳେ ପୋଖରାଠାରୁ ଜୋମସୋମ ଅଭିମୁଖେ ଯାତ୍ରା କରିଥିଲା। ବିମାନ ସହିତ ଶେଷ ସମ୍ପର୍କ ସକାଳ ୯.୫୫ରେ ହୋଇଥିଲା। ଏହା ପରଠାରୁ ଆଉ ଯୋଗାଯୋଗ ସମ୍ଭବ ହୋଇପାରିନାହିଁ।
ନେପାଳର ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ନିଖୋଜ ବିମାନରେ ୪ ଜଣ ଭାରତୀୟ ଏବଂ ୩ ଜଣ ଜାପାନୀ ନାଗରିକ ମଧ୍ୟ ଅଛନ୍ତି। ବାକି ସମସ୍ତ ନେପାଳର ନାଗରିକ ଥିଲେ। ବିମାନରେ ସମୁଦାୟ ୨୨ ଜଣ ଯାତ୍ରୀ ଅଛନ୍ତି। ରିପୋର୍ଟ ଅନୁଯାୟୀ, ଅଧିକାରୀମାନେ ନିରନ୍ତର ସମ୍ପର୍କ ସ୍ଥାପନ କରିବାକୁ ଚେଷ୍ଟା ଜାରି ରଖିଛନ୍ତି।