ସାଉଥାମ୍ପଟନ, ୧୨।୭- ସ୍ଥାନୀୟ ରୋଜ୍ ବାଓଲଠାରେ ଘରୋଇ ଇଂଲଣ୍ଡ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଚାଲିଥିବା ପ୍ରଥମ ଟେଷ୍ଟ ରୋମାଞ୍ଚକ ସ୍ଥିତିରେ ପହଞ୍ଚତ୍ଛି। ଭ୍ରମଣକାରୀ ଓ୍ବେଷ୍ଟଇଣ୍ଡିଜ ସାମ୍ନାରେ ୨୦୦ ରନର ବିଜୟ ଲକ୍ଷ୍ୟ ଧାର୍ଯ୍ୟ କରିଛି ଇଂଲଣ୍ଡ। ଜବାବରେ ରବିବାର ମ୍ୟାଚ୍ର ଅନ୍ତିମ ତଥା ୫ମ ଦିବସ ମଧ୍ୟାହ୍ନ ସୁଦ୍ଧା ଓ୍ବେଷ୍ଟଇଣ୍ଡିଜ ୩ ଉଇକେଟ୍ ହରାଇ ୩୫ ରନ ସଂଗ୍ରହ କରିଛି। ହାତରେ ଆଉ ୭ ଉଇକେଟ୍ ବଳକା ରହିଥିବାବେଳେ ଓ୍ବେଷ୍ଟଇଣ୍ଡିଜକୁ ଜିତିବାକୁ ପାଇଁ ଆହୁରି ୧୬୫ ରନ ଆବଶ୍ୟକ ହେଉଛି। ଜେର୍ମିନ ବ୍ଲାକଉଡ୍ ୧ ଓ ରୋଷ୍ଟନ ଚେଜ୍ ୧୨ ରନ୍ କରି ଅପରାଜିତ ରହିଛନ୍ତି। ଓପନର୍ ଜନ୍ କ୍ୟାମ୍ପବେଲ୍ (୧) ରିଟାୟାର୍ଡ ହଟ୍ ହୋଇଥିବାବେଳେ କ୍ରେଗ୍ ବାର୍ଥଓ୍ବେଟ୍ (୪), ସାଇ ହୋପ୍ (୯) ଓ ସମର୍ଚ ବ୍ରୁକ୍ସ (୦) ନିରାଶ କରିଛନ୍ତି। ପୂର୍ବରୁ ଏହି ମ୍ୟାଚ୍ରେ ଟସ୍ ଜିତି ଇଂଲଣ୍ଡ ପ୍ରଥମ ଇନିଂସରେ ୨୦୪ ରନ କରିଥିବାବେଳେ ଓ୍ବେଷ୍ଟଇଣ୍ଡିଜ ୩୧୮ରେ ଅଲ୍ଆଉଟ୍ ହୋଇଥିଲା। ଜବାବରେ ୧୧୪ ରନ ପଛରେ ଥାଇ ୨ୟ ଇନିଂସ ଆରମ୍ଭ କରିଥିବା ଇଂଲଣ୍ଡ ୩୧୩ ରନ କରିବାକୁ ସମର୍ଥ ହୋଇଥିଲା। ଫଳରେ ଓ୍ବେଷ୍ଟଇଣ୍ଡିଜ ସାମ୍ନାରେ ୨୦୦ ରନର ବିଜୟ ଲକ୍ଷ୍ୟ ଧାର୍ଯ୍ୟ ହୋଇଛି।