ନୂଆଦିଲ୍ଲୀ, ୪।୭(ପି.ଟି.)-ଜୁନିୟର ଆଥଲେଟ୍ଙ୍କ ପାଇଁ ଦେଶରେ ଟାର୍ଗେଟ ଅଲିମ୍ପିକ୍ ପୋଡିୟମ ସ୍କିମ୍ (ଟପ୍ସ) ଆରମ୍ଭ ହେବ। ୨୦୨୮ ସୁଦ୍ଧା ଅଲିମ୍ପିକ୍ ଚାମ୍ପିୟନ ସୃଷ୍ଟି କରିବା ମୁଖ୍ୟ ଲକ୍ଷ୍ୟ। ‘ଫିଟ୍ ହେ ତୋ ହିଟ୍ ହେ ଫିଟ୍ ଇଣ୍ଡିଆ’ ଓ୍ବେବିନାର ଅବସରରେ କ୍ରୀଡ଼ାମନ୍ତ୍ରୀ କିରେନ ରିଜିଜୁ ଏହା ଘୋଷଣା କରିଛନ୍ତି। ଏଥିରେ ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖ୍ରିଆଲ, ଅଲିମ୍ପିକ୍ ମେଡାଲିଷ୍ଟ ବ୍ୟାଡ୍ମିଣ୍ଟନ ତାରକା ପି.ଭି. ସିନ୍ଧୁ ଏବଂ ଭାରତୀୟ ଫୁଟବଲ ଅଧିନାୟକ ସୁନୀଲ ଛେତ୍ରୀ ପ୍ରମୁଖ ଅଂଶଗ୍ରହଣ କରିଥିଲେ। ”ଅଲିମ୍ପିକ୍ସରେ ପଦକ ସମସ୍ତ ଭାରତୀୟଙ୍କ ସ୍ବପ୍ନ। ଅଲିମ୍ପିକ୍ସ ସବୁଠାରୁ ବଡ଼ କ୍ରୀଡ଼ା। ଏହାର ପଦକ ତାଲିକାରେ ଭାରତ ବହୁ ପଛରେ ରହିବା ସମସ୍ତଙ୍କୁ ଆଘାତ ପହଞ୍ଚାଉଛି। ଆମେ ଲକ୍ଷ୍ୟ ସ୍ଥଳରେ ପହଞ୍ଚତ୍ବା ପାଇଁ କଠିନ ପରିଶ୍ରମ କରୁଛୁ। ଅଲିମ୍ପିକ୍ସରେ ପଦକ ଜିତିବା ସମ୍ଭାବନା ଥିବା ସିନିୟର ଆଥଲେଟ୍ଙ୍କୁ ଟପ୍ସ ସ୍କିମ୍ରେ ସାମିଲ କରାଯାଇଛି। ଏବେ ଜୁନିୟର ଆଥଲେଟ୍ଙ୍କ ପାଇଁ ଏହା ଖୁବ୍ ଶୀଘ୍ର ଆରମ୍ଭ ହେବ“ ବୋଲି ରିଜିଜୁ କହିଛନ୍ତି। ସରକାର ୧୦ରୁ ୧୨ ବର୍ଷର ପ୍ରତିଭାଙ୍କୁ ଅନ୍ବେଷଣ କରି ଏହି ସ୍କିମ୍ରେ ସାମିଲ କରିବେ। ଆମେ ସେମାନଙ୍କର ସବୁ ପ୍ରକାର ଯନତ୍ ନେଇ ୨୦୨୮ ଅଲିମ୍ପିକ୍ସ ପାଇଁ ପ୍ରସ୍ତୁତ କରିବୁ ବୋଲି ସେ କହିଛନ୍ତି। ୨୦୨୮ ଲସ ଏଞ୍ଜେଲ୍ସ ଅଲିମ୍ପିକ୍ସରେ ଟପ୍-୧୦ ଫିନିଶ୍ କରିବା ଭାରତର ଲକ୍ଷ୍ୟ।