ନୂଆଦିଲ୍ଲୀ,୧୨।୪: ବିରୋଧୀ ଦଳଙ୍କ ମନରେ ରହିଛି ମୋଗଲ ମାନସିକତା, ଭୋଟ ବ୍ୟାଙ୍କ ପକ୍କା କରିବା ପାଇଁ ଏମାନେ ସନାତନ ଧର୍ମକୁ ବାରମ୍ବାର ଅପମାନ କରୁଥିବା ବେଳେ ହିନ୍ଦୁ ମାନଙ୍କ ଆଧ୍ୟାତ୍ମିକ ମାନସିକତାକୁ କୁଠାରଘାତ କରିବାକୁ ମଧ୍ୟ ପଛାଉ ନାହାନ୍ତି । ଜମ୍ମୁ କଶ୍ମିର ଉଦ୍ଧମପୁରରେ ଆୟୋଜିତ ଭାଜପାର ନିର୍ବାଚନୀ ରାଲିରେ ଯୋଗ ଦେଇ କିଛି ଏଭଳି କହି ବିରୋଧୀ ଇଣ୍ଡିଆ ମେଣ୍ଟକୁ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପୂର୍ବରୁ ପବିତ୍ର ଶ୍ରାବଣ ମାସରେ ଭାରତଯୋଡ ଯାତ୍ରା ସମୟରେ ରାହୁଲ ଗାନ୍ଧୀ ମଟନ ରାନ୍ଧିବା ଏବଂ ଦୁଇ ଦିନ ତଳେ ନବରାତ୍ରୀର ପ୍ରଥମ ଦିନରେ ତେଜସ୍ବୀ ଯାଦବ ମାଛ ଖାଇବାର ଭିଡିଓ ଭାଇରାଲ ହେବାରେ ଲାଗିଛି । ଏହାକୁ ନେଇ ପ୍ରଧାନମନ୍ତ୍ରୀ ମୋଦି ବିରୋଧୀଙ୍କୁ ଟାର୍ଗେଟ କରିବା ସହ ଏମାନଙ୍କଠାରେ ଏବେ ବି ମୋଗଲ ମାନସିକତା ବଞ୍ଚିି ରହିଛି ବୋଲି କହିଛନ୍ତି । ଭାରତୀୟ ଲୋକଙ୍କ ଭାବନା ସହ ଖେଳିବା ଇଣ୍ଡିଆ ମେଣ୍ଟ ଓ କଂଗ୍ରେସର ଅଭ୍ୟାସରେ ପରିଣତ ହୋଇଥିବା ସେ କହିଛନ୍ତି ।