ନୂଆଦିଲ୍ଲୀ,୨୫।୧୧:ଦେଶର ପ୍ରମୁଖ ବାଣିଜି୍ୟକ ସଂସ୍ଥା ଟାଟା ଗ୍ରୁପ୍ ପ୍ରାୟ ୭୦୦୦ କୋଟି ଟଙ୍କାରେ ପ୍ୟାକେଜିଂ ଓ୍ବାଟର କମ୍ପାନୀ ବିସ୍ଲେରିକୁ କିଣିପାରେ ବୋଲି ଚର୍ଚ୍ଚା ହେଉଛି। ଏପରିକି ଟାଟା କଞ୍ଜୁମର ପ୍ରଡକ୍ଟସ ଲିମିଟେଡ୍ (ଟିସିପିଏଲ୍) ପ୍ରାୟ ୬୦୦୦ରୁ ୭୦୦୦ କୋଟି ଟଙ୍କାରେ ଉକ୍ତ କମ୍ପାନୀ କିଣିବାକୁ ଯୋଜନା ପ୍ରସ୍ତୁତ କରୁଛି ବୋଲି ଜଣାପଡ଼ିଛି। ତେବେ ଟାଟା ବିସ୍ଲେରିକୁ କିଣିବା ପରେ ମଧ୍ୟ ଆଗାମୀ ୨ ବର୍ଷ ପର୍ଯ୍ୟନ୍ତ ବର୍ତ୍ତମାନର ମ୍ୟାନେଜମେଣ୍ଟ ସହ କାମ କରିବ ବୋଲି ସୂଚନା ମିଳିଛି। ଅପରପକ୍ଷରେ ବିସ୍ଲେରି ମଧ୍ୟ ଥମ୍ପସ ଅପ୍, ଗୋଲ୍ଡ ସ୍ପଟ୍ ଲିମ୍କାକୁ କୋକାକୋଲାକୁ ଆଗରୁ ବିକ୍ରି ଦେଇଛି। ଉଲ୍ଲେଖଯୋଗ୍ୟ, ଶିଳ୍ପପତି ରମେଶ ଚୌହାନ ଉପରୋକ୍ତ କମ୍ପାନୀଗୁଡିକୁ ବିକିବାର ପ୍ରାୟ ୩ ଦଶନ୍ଧି ପରେ ବିସ୍ଲେରି ଇଣ୍ଟରନ୍ୟାଶନାଲକୁ ଟାଟାକୁ ବିକ୍ରି କରିବାକୁ ଯାଉଛନ୍ତି। ଚୌହାନ କହିଛନ୍ତି, ଟାଟା ଗ୍ରୁପ୍ ଏହାର ଆହୁରି ଭଲ ଭାବେ ବ୍ୟବସାୟିକ ବୃଦ୍ଧି କରିପାରିବ। ଅବଶ୍ୟ ବିସ୍ଲେରିକୁ ବିକିବା ଏକ କଷ୍ଟକର ନିଷ୍ପତ୍ତି। ହେଲେ ବିସ୍ଲେରିକୁ କିଣିବା ପାଇଁ ରିଲାଏନ୍ସ ରିଟେଲ ଏବଂ ନେସ୍ଲେ ଭଳି ଅନେକ କମ୍ପାନୀ ଆଗ୍ରହୀ ଥିଲେ। କିନ୍ତୁ ଟାଟା ସହ କଥାବାର୍ତ୍ତା ୨ ବର୍ଷରୁ ଅଧିକ ସମୟ ହେବ ଲାଗି ରହିଥିଲା ଏବଂ ସେ କିଛି ମାସ ତଳେ ଟାଟା ସନ୍ସର ଚେୟାରମ୍ୟାନ୍ ଏନ୍. ଚନ୍ଦ୍ରଶେଖରନ ଏବଂ ଟାଟା କଞ୍ଜୁମରର ସିଇଓ ସୁନୀଲ ଡି’ସୁଜାଙ୍କୁ ମଧ୍ୟ ଭେଟିଥିଲେ ଏବଂ ଟାଟା ସହ ଡିଲ୍ ନିଶ୍ଚିତ କରିଥିଲେ।