ନୂଆଦିଲ୍ଲୀ,୧୨।୧୨: ଦେଶର ପ୍ରମୁଖ ବାଣିଜି୍ୟକ ସଂସ୍ଥା ତଥା ଟାଟା ଗ୍ରୁପର ପ୍ରମୁଖ କମ୍ପାନୀ ଟାଟା ମୋଟର୍ସର କର୍ପୋରେଟ ସାମାଜିକ ଦାୟିତ୍ୱବୋଧ (ସିଏସଆର) କାର୍ଯ୍ୟକ୍ରମ ଜରିଆରେ ଅନେକ ମହତ କାର୍ଯ୍ୟ କରାଯାଉଛି। ବିଶେଷ କରି ଟାଟା ମୋଟର୍ସ ଇଞ୍ଜିନିୟରିଂ ଏବଂ ଏନଇଇଟି (ଜାତୀୟ ଯୋଗ୍ୟତା ପ୍ରବେଶିକା ପରୀକ୍ଷା) ଆଡମିଶନ ବ୍ରିଜ ଆସିଲେରେଟେଡ ଲର୍ନିଂ ଏନଗେଜମେଣ୍ଟ ଇନିସିଏଟିଭ୍ ଶିକ୍ଷଣ ଯୋଗଦାନ ପଦକ୍ଷେପ ଜାନୁୟାରୀ ୨୦୨୧ରେ ନବୋଦୟ ବିଦ୍ୟାଳୟ ସମିତି (ଏନଭିଏସ) ଓ ଅବନ୍ତି ଫେଲୋସ୍ ଏବଂ ଏକ୍ସ-ନବୋଦୟନ ଫାଉଣ୍ଡେସନ ଦ୍ୱାରା ମିଳିତ ଭାବେ ଆରମ୍ଭ ହୋଇଥିଲା। ଏହାର କର୍ପୋରେଟ ସାମାଜିକ ଦାୟିତ୍ୱବୋଧର ବିଦ୍ୟାଧନମର ଏହା ଏକ ଗୁରୁତ୍ୱପୂର୍ଣ୍ଣ ଅଂଶ। ଏନେବୁଲ ହେଉଛି ଏକ ଡିଜିଟାଲ-ସକ୍ଷମ ରିମୋର୍ଟ ଲର୍ନିଂ ପଦକ୍ଷେପ, ଯାହାକି ଦେଶର ୫୫୨ଜବାହର ନବୋଦୟ ବିଦ୍ୟାଳୟରେ ପଢୁଥିବା ଏକାଦଶ ଏବଂ ଦ୍ୱାଦଶ ଶ୍ରେଣୀର ପ୍ରତିଭାବାନ ଶିକ୍ଷାର୍ଥୀଙ୍କୁ ଜେଇଇ ଏବଂ ଏନଇଇଟି ପ୍ରତିଯୋଗିତାମୂଳକ ପ୍ରବେଶିକା ପରୀକ୍ଷା ପାଇଁ ଆବଶ୍ୟକ ସୁବିଧା ସୁଯୋଗ ପ୍ରଦାନ କରିଥାଏ। ଯାହା ହୁଏତ ଅନ୍ୟମାନଙ୍କ ପାଇଁ ସହଜରେ ଉପଲବ୍ଧ ହୋଇ ପାରି ନଥାଏ। ସେହିଭଳି ୨୦୨୨ରେ ଟାଟା ମୋଟର୍ସ ୩୪୦୦ ଶିକ୍ଷାର୍ଥୀଙ୍କୁ ଭାରତର ସର୍ବୋଚ୍ଚ ଇଞ୍ଜିନିୟରିଂ ଏବଂ ମେଡିକାଲ ସ୍କୁଲରେ ନାମ ଲେଖାଇବାରେ ସାହାଯ୍ୟ କରିଛି, ସେମାନଙ୍କ ମଧ୍ୟରୁ ୪୦% ମହିଳା ଅଛନ୍ତି ବୋଲି କମ୍ପାନୀ ପକ୍ଷରୁ କୁହାଯାଇଛି।
ଏ ସମ୍ପର୍କରେ ଟାଟା ମୋଟର୍ସର ସିଏସଆର ହେଡ ବିନୋଦ କୁଲକର୍ଣ୍ଣି କହିଛନ୍ତି, ଦେଶର ଯୁବବର୍ଗମାନଙ୍କୁ ସମୃଦ୍ଧ କରିବା ଦିଗରେ ଏକ ଦାୟିତ୍ୱବାନ କର୍ପୋରେଟ ନାଗରିକ ଭାବରେ ଟାଟା ମୋଟର୍ସ ଗୁଣାତ୍ମକ ଶିକ୍ଷା କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଛି। ଶିକ୍ଷାକୁ ସମସ୍ତଙ୍କ ପାଇଁ ଉପଲବ୍ଧ କରାଯାଇଛି। ଆମର ସିଏସଆର କାର୍ଯ୍ୟକ୍ରମର ମୂଳ ସ୍ତମ୍ଭ ହେଉଛିୁ ବିଦ୍ୟାଧନମ। ଉଚ୍ଚଶିକ୍ଷାକୁ ଯିବା ଦିଗରେ ମାଧ୍ୟମିକ ବିଦ୍ୟାଳୟର ଶିକ୍ଷାର୍ଥୀମାନଙ୍କ ଉଦ୍ୟମକୁ ରୁଦ୍ଧିମନ୍ତ କରାଇବା ଉଦ୍ଦେଶ୍ୟରେ ଏନେବୁଲ ପଦକ୍ଷେପ ଗ୍ରହଣ କରିଥାଏ। ଯୁବବର୍ଗମାନଙ୍କୁ ସେମାନଙ୍କର ଇଞ୍ଜିନିୟରିଂ ଏବଂ ଡାକ୍ତରୀ ଆକାଂକ୍ଷାକୁ ପୂରଣ କରିବା ପାଇଁ ଆବଶ୍ୟକ କରୁଥିବା ସମସ୍ତ ସହାୟତା ପ୍ରଦାନ କରିବାକୁ ଚେଷ୍ଟା କରାଯାଇଥାଏ।