ଭୁବନେଶ୍ୱର, ୮।୮(ବ୍ୟୁରୋ): ଭୁବନେଶ୍ୱରସ୍ଥିତ କଲ୍ୟାଣୀ କମ୍ପ୍ଲେକ୍ସ ପରିସରରେ ଶୁକ୍ରବାର ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଦ୍ୱାରା ଟାଟା ପାଓ୍ବାର କଲ୍ ସେଣ୍ଟର ଉଦ୍ଘାଟିତ ହୋଇଛି। ଏହା ଉପଭୋକ୍ତା ଏବଂ କମ୍ପାନୀ ମଧ୍ୟରେ ସେତୁ ସାଜିବ। ବିଦ୍ୟୁତ୍ ସମସ୍ୟାର ତ୍ବରିତ ସମାଧାନ ଏହାର ମୁଖ୍ୟ ଉଦ୍ଦେଶ୍ୟ ବୋଲି ମନ୍ତ୍ରୀ କହିଛନ୍ତି। ଏହି କଲ୍ ସେଣ୍ଟର ୨୪ ଘଣ୍ଟିଆ କାର୍ଯ୍ୟ କରିବ। ଏଠାକୁ ଫୋନ୍ ମାଧ୍ୟମରେ ଯୋଗାଯୋଗ କରି ଉପଭୋକ୍ତାମାନେ ବିଦ୍ୟୁତ୍ ସରବରାହଜନିତ ତ୍ରୁଟି, ଦେୟ ପୈଠ, ନୂଆ ଲାଇନ୍ ସଂଯୋଗ, ଠିକଣା ପରିବର୍ତ୍ତନ ସମ୍ପର୍କିତ ବିଭିନ୍ନ ତଥ୍ୟ ପାଇପାରିବେ। ବିଭିନ୍ନ ପ୍ରଶ୍ନ ପଚାରି ସନ୍ଦେହ ଦୂର କରିପାରିବେ। ଅଭିଯୋଗ ଦାଖଲ ମଧ୍ୟ ହୋଇପାରିବ। କଲ୍ସେଣ୍ଟର ଉଦ୍ଘାଟନ କରିବା ପରେ ଶକ୍ତିମନ୍ତ୍ରୀ ଏହାର କାର୍ଯ୍ୟକାରିତା ସମ୍ପର୍କରେ ପଚାରି ବୁଝିଥିଲେ। ଉଦ୍ଘାଟନୀ କାର୍ଯ୍ୟକ୍ରମରେ ଟିପିସିଓଡିଏଲ୍ର ମୁଖ୍ୟ ନିର୍ବାହୀ ଏମ୍. ସେନବାଗାମ୍ଙ୍କ ସମେତ ଟାଟା ପାଓ୍ବାରର ବରିଷ୍ଠ ଅଧିକାରୀ ଉପସ୍ଥିତ ଥିଲେ ା