ନୂଆଦିଲ୍ଲୀ,୧୬।୧: ଚଳିତ ବର୍ଷ ଗ୍ରେଟର ନୋଏଡାଠାରେ ଆୟୋଜିତ ଅଟୋ ଏକ୍ସପୋ ୨୦୨୩ରେ ଟାଟା ପାୱାରର ହାଇ-ଟେକ୍ ଇ ଜେଡ୍ ଚାର୍ଜିଂ ସମାଧାନକୁ ପ୍ରଦର୍ଶିତ କରାଯାଇଛି। ବିଶେଷକରି ପରିଦର୍ଶନକାରୀମାନଙ୍କୁ କମ୍ପାନୀ ପକ୍ଷରୁ ସହଜରେ ବ୍ୟବହାର ହୋଇପାରୁଥିବା ଇ ଜେଡ୍ ଚାର୍ଜର ମଧ୍ୟ ପ୍ରଦାନ କରାଯାଇଛି। ଏପରିକି ଟାଟା ପାୱାର ଇ ଜେଡ୍ ଚାର୍ଜ ମୋବାଇଲ୍ ଆପ୍ ଡାଉନ୍ଲୋଡ୍ ବିଷୟରେ ମଧ୍ୟ ଲୋକଙ୍କୁ ଅବଗତ କରାଯାଇଛି, ଯାହାକୁ ବ୍ୟବହାର କରି ସେମାନେ ସହଜରେ ନିକଟତମ ଚାର୍ଜିଂ ଷ୍ଟେଶନ୍ ସନ୍ଧାନ ସହ ଚାର୍ଜିଂ ପଏଣ୍ଟ୍ର ବାସ୍ତବ ସ୍ଥିତି ଏବଂ ଚାର୍ଜିଂର ଅପ୍ଡେଟ୍ ଆଦି ପାଇପାରିବେ। ସେହିଭଳି ମୁମ୍ବାଇଠାରେ ଥିବା ଟାଟା ପାୱାରର ନେଟ୍ୱର୍କ ଅପରେସନ୍ସ ସେଣ୍ଟର୍ (ଏନ୍ଓସି)କୁ ମଧ୍ୟ ଉକ୍ତ ମେଳାରେ ପ୍ରଦର୍ଶିତ କରାଯାଇଛି। ଏ ସମ୍ପର୍କରେ ଟାଟା ପାୱାରର ବ୍ୟବସାୟ ବିକାଶ ଓ ଇଭି ଚାର୍ଜିଂ ମୁଖ୍ୟ ବୀରେନ୍ଦ୍ର ଗୋୟଲ କହିଛନ୍ତି, ଭାରତରେ ଇଲେକ୍ଟ୍ରିକ୍ ଯାନର ଗ୍ରହଣୀୟତା ଦ୍ରୁତଗତିରେ ବୃଦ୍ଧି ପାଉଛି, ତେଣୁ ଏକ ସୁଦୃଢ଼ ସର୍ବଭାରତୀୟ ଚାର୍ଜିଂ ନେଟ୍ୱର୍କ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆମେ ଆମର ଉପତ୍ାଦ ଓ ପ୍ରଯୁକ୍ତିକୁ ଉପସ୍ଥାପନ କରି ବେଶ୍ ଉଲ୍ଲସିତ ମନେ କରୁଛୁ, ଯାହା ଟାଟା ପାୱାରକୁ ଭାରତର ଅଗ୍ରଣୀ ଇଭି ଚାର୍ଜିଂ ସମାଧାନ ପ୍ରଦାନକାରୀରେ ପରିଣତ କରିଛି। ଭବିଷ୍ୟତରେ ନିରନ୍ତର ଗମନାଗମନ ବିଷୟରେ ଗ୍ରାହକମାନେ ଯେଭଳି ବିଚାର କରିବେ ସେଥିରେ ଗ୍ରାହକଙ୍କୁ ସହାୟତା ପ୍ରଦାନ କରିବାରେ ପ୍ରମୁଖ ଭୂମିକା ନିର୍ବାହ କରିବା ଲାଗି ଟାଟା ପାୱାର ପ୍ରତିବଦ୍ଧ ରହିଛି।
