ଆଇଜିଆଇଟି ସରାଙ୍ଗ ସହ ଟାଟା ପାଓ୍ବାରର ବୁଝାମଣା
7:42 amJuly 15, 2023July 15, 2023 / 02

ଭୁବନେଶ୍ୱର,୧୫।୭: ଦେଶର ପ୍ରମୁଖ ଘରୋଇ ସଂସ୍ଥା ଟାଟା ପାଓ୍ବାର ଏବଂ ଇନ୍ଦିରା ଗାନ୍ଧୀ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନୋଲୋଜି (ଆଇଜିଆଇଟି), ସରାଙ୍ଗ ମଧ୍ୟରେ ଏକ ଦ୍ୱିପାକ୍ଷିକ ବୁଝାମଣା ପତ୍ର (ଏମ୍‌ଓୟୁ) ନିକଟରେ ସ୍ବାକ୍ଷର ହୋଇଯାଇଛି। ବିଶେଷକରି ଶିକ୍ଷା ଓ ନିଯୁକ୍ତି ହାସଲ କ୍ଷମତା ମଧ୍ୟରେ ରହିଥିବା ଅନ୍ତର ଦୂରକରିବା ଲାଗି ଉକ୍ତ ବୁଝାମଣା ହୋଇଥିବା ଉଭୟ ପକ୍ଷରୁ କୁହାଯାଇଛି। ଏପରିକି ଟାଟା ପାୱାର ଓ ଆଇଜିଆଇଟି ସରାଙ୍ଗର ବରିଷ୍ଠ ଅଧିକାରୀମାନଙ୍କ ଉପସ୍ଥିତିରେ ଟାଟା ପାୱାରର କ୍ଲଷ୍ଟର ବ୍ୟବସାୟ ମୁଖ୍ୟ ଏଚ୍‌ଆର୍‌ (ଟି ଆଣ୍ଡ୍‌ ଡି) ସୁବୀର ବର୍ମା ଓ ଆଇଜିଆଇଟି, ସରାଙ୍ଗର ନିର୍ଦ୍ଦେଶକ ଡ.ସତ୍ୟବ୍ରତ ମହନ୍ତ ଉକ୍ତ ବୁଝାମଣା ପତ୍ରରେ ସ୍ବାକ୍ଷର କରିଥିଲେ। ଏ ସମ୍ପର୍କରେ ଟାଟା ପାୱାରର କ୍ଲଷ୍ଟର ମୁଖ୍ୟ ବିଜ୍‌ନେସ୍‌ ଏଚ୍‌ଆର୍‌ (ଟିଆଣ୍ଡ୍‌ଡି) ସୁବୀର ବର୍ମା କହିଛନ୍ତି, ବିଦ୍ୟୁତ୍‌ ଶକ୍ତି ଭଳି ଉଦୀୟମାନ କ୍ଷେତ୍ର ସମେତ ସବୁ ଶିଳ୍ପ କ୍ଷେତ୍ର ଅନିଶ୍ଚିତ ଆହ୍ବାନର ଦ୍ରୁତ ସମାଧାନ ଲାଗି ଯୋଗ୍ୟ ଓ ପ୍ରସ୍ତୁତ ରହିଥିବା ଶ୍ରମଶକ୍ତି ଉପଲବ୍ଧତା ଆବଶ୍ୟକ କରନ୍ତି। ସ୍ବତନ୍ତ୍ର ମଡ୍ୟୁଲ, ବାସ୍ତବ ସମୟ ଲାଇଭ୍‌ ପ୍ରକଳ୍ପ, ଫାକଲ୍‌ଟି ଓ ମେଣ୍ଟର ଭାବେ ବରିଷ୍ଠ ପ୍ରବନ୍ଧକ ପ୍ରଦାନ କରି ୬ମାସରେ ଓଡ଼ିଶାର ସ୍ଥାନୀୟ ଶିକ୍ଷିତ ଲୋକମାନଙ୍କୁ ଶିଳ୍ପ ପାଇଁ ପ୍ରସ୍ତୁତ କରିବା ଲାଗି ଆମ ବିଶେଷତା ପ୍ରଦାନ କରିବାକୁ ଆମେ ଚାହୁଛୁ।