ବେଙ୍ଗାଲୁରୁ,୨୬।୧୦: କର୍ନାଟକର ଚିକ୍କାବାଲାପୁରରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୧୨ ଜଣଙ୍କର ମୃତ୍ୟୁ ହୋଇଛି। ଏହି ଦୁର୍ଘଟଣା ଗୁରୁବାର ଏନ୍ଏଚ୍ ୪୪ରେ ଚିତ୍ରାବତୀ ଟ୍ରାଫିକ ପୋଲିସ ଷ୍ଟେଶନ ସମ୍ମୁଖରେ ଘଟିଛି। ଏହି ଘଟଣାରେ ୧୨ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି। ମୃତକଙ୍କ ମଧ୍ୟରେ ୮ ଜଣ ପୁରୁଷ ଏବଂ ୪ ଜଣ ମହିଳା ଅଛନ୍ତି। ଆଗରୁ ଆସୁଥିବା ଏକ ଟାଟା ସୁମୋ ଏକ ଷ୍ଟାଣ୍ଡିଂ ଟ୍ୟାଙ୍କରକୁ ଧକ୍କା ଦେଇଥିଲା। ଟ୍ୟାଙ୍କର୍ ଏବଂ ସୁମୋ ମଧ୍ୟରେ ମୁହାଁମୁହିଁ ଧକ୍କା ହେବା ପରେ ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ ସେଠାରେ ସେମାନଙ୍କର ମୃତ୍ୟୁ ଘଟିଥିଲା। ସୂତ୍ର ଅନୁଯାୟୀ ଘନ କୁହୁଡ଼ି ହେତୁ କାର ଡ୍ରାଇଭର ରାସ୍ତା କଡ଼ରେ ଅଟକି ରହିଥିବା ଟ୍ୟାଙ୍କରକୁ ଦେଖି ପାରି ନ ଥିଲେ।