ଦୁନିଆରେ ଅନେକ ପ୍ରକାରର ଲୋକ ଅଛନ୍ତି। ସୁନ୍ଦର ଦେଖାଯିବା ପାଇଁ ପ୍ଲାଷ୍ଟିକ ସର୍ଜରୀ ଦ୍ୱାରା ନିଜ ଶରୀରକୁ ପରିବର୍ତ୍ତନ କରିବାକୁ କିଛି ଲୋକ ପସନ୍ଦ କରନ୍ତି। ମାତ୍ର ସମସ୍ତେ ସୀମା ମଧ୍ୟରେ ରହି ଏପରି କରିଥାନ୍ତି। ହେଲେ ଜର୍ମାନର ସୈଣ୍ଡ୍ରୋ ନାମକ ଜଣେ ବ୍ୟକ୍ତି ଏହାର ସମସ୍ତ ସୀମା ଅତିକ୍ରମ କରିଯାଇଛନ୍ତି। ସୈଣ୍ଡ୍ରୋ ୧୭ ବର୍ଷ ମଧ୍ୟରେ ନିଜ ଶରୀରରେ ଅନେକ ପରିବର୍ତ୍ତନ କରିଛନ୍ତି। ନିଜ ଶରୀରରେ ସେ ଅନେକ ପ୍ରକାରର ଟାଟୁ କରିଛନ୍ତି। ଖାଲି ସେତିକି ନୁହେଁ ନିଜ ଶରୀରରେ ଏକ ବଡ ପରିବର୍ତ୍ତନ ମଧ୍ୟ କରିଛନ୍ତି। ତାହା ହେଲା ସେ ନିଜ କାନ ଓ ଜିଭକୁ ମଧ୍ୟ କାଟି ଦେଇଛନ୍ତି।
ସୈଣ୍ଡ୍ରୋ ୧୭ଥର ବଡି ମୋଡିଫିକେଶନ କରିସାରିଛନ୍ତି। ସେ ତାଙ୍କ ମୁଣ୍ଡ, ହାତ ଏବଂ ମଣିବନ୍ଧ ମଧ୍ୟରେ ଚିପ୍ସ ପୁରାଇ ରଖିଛନ୍ତି। ଏଥିପାଇଁ ବର୍ତ୍ତମାନ ପର୍ଯ୍ୟନ୍ତ ସେ ୫ ଲକ୍ଷ ୮୪ ହଜାର ଟଙ୍କା ଖର୍ଚ୍ଚ କରିସାରିଛନ୍ତି। ସୋସିଆଲ ମିଡିଆରେ ସୈଣ୍ଡ୍ରୋ ମିଷ୍ଟର ସ୍କଲ ଫେସ୍ ନାମରେ ପରିଚିତ। ଏପରି କରିବା ଦ୍ୱାରା ତାଙ୍କର ଆତ୍ମବତିଶ୍ୱାସ ବୃଦ୍ଧି ପାଇଥାଏ ବୋଲି ସେ କହିଛନ୍ତି।
ଏପରି କାମ କରିବାରୁ ସୈଣ୍ଡ୍ରୋଙ୍କୁ ଚାକିରିରୁ ବାହାର କରିଦିଆଗଲା। ଏବେ ସେ ବେରୋଜଗାର। ମାତ୍ର ଇନ୍ଷ୍ଟାରେ ସେ ନିଜର ଏପରି ଫଟୋ ପୋଷ୍ଟକରି ଆୟ କରୁଛନ୍ତି। ସୈଣ୍ଡ୍ରୋ ନିଜ କାନକୁ ରୋଷେଇ ଘରର ଏକ ଡବା ମଧ୍ୟରେ ପୁରାଇ ରଖିଛନ୍ତି। ଘରକୁ ଆସୁଥିବା ବ୍ୟକ୍ତିଙ୍କୁ ସେ ଏହା ଦେଖାଇଥାନ୍ତି।