ଦୁନିଆର ପ୍ରାୟ ପ୍ରତ୍ୟେକ ଦେଶ ନିଜ ଲୋକଙ୍କଠାରୁ ଟ୍ୟାକ୍ସ ନେଇଥାଏ। ଏହି ଟ୍ୟାକ୍ସର ବ୍ୟବହାର ଦେଶର ଭବିଷ୍ୟତ ପାଇଁ ଅଧିକ ଖର୍ଚ୍ଚ ହୋଇଥାଏ। ଭାରତରେ ରାସ୍ତାର ବ୍ୟବହାରଠାରୁ ଅନେକ ଜରୁରୀ ଜିନିଷର ବ୍ୟବହାର ଉପରେ ଟ୍ୟାକ୍ସ ନିଆଯାଇଥାଏ। କିନ୍ତୁ ଦୁନିଆରେ କିଛି ଦେଶ ଅଛି, ଯେଉଁଠାରେ ଅତି ଅଜବ ଜିନିଷ ଆଧାରରେ ଲୋକଙ୍କଠାରୁ ଟ୍ୟାକ୍ସ ସଂଗ୍ରହ କରାଯାଏ। ଯାହା ଜାଣିଲେ ଆଶ୍ଚର୍ଯ୍ୟ ହେବେ।
ଆମେରିକାର ଅର୍କାନ୍ସରେ କେହି ଶରୀରରେ ଟାଟୁ କଲେ ଅନ୍ୟ ଲୋକଙ୍କ ତୁଳନାରେ ୬ ଗୁଣ ଅଧିକ ଟ୍ୟାକ୍ସ ଦେବାକୁ ପଡ଼ିଥାଏ।
ସେହିପରି ଜାପାନରେ ବି ଏକ ଅଜବ ନିୟମ ରହିଛି। ଲୋକଙ୍କ ଅଣ୍ଟା ନିର୍ଦ୍ଧାରିତ ମାପଠାରୁ ଅଧିକ ହେଲେ ଏଥିପାଇଁ ଟ୍ୟାକ୍ସ ଦେବାକୁ ପଡ଼େ। ୪୦ରୁ ୭୫ ବର୍ଷ ବୟସର ଲୋକଙ୍କ ଅଣ୍ଟା ଏକ ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ ମାପ କରାଯାଏ। ମେଦବହୁଳତା ରୋକିବା ପାଇଁ ଏହା କରାଯାଇଥାଏ।
