ନୂଆଦିଲ୍ଲୀ,୧୮ ।୧୨: ପ୍ରତିରକ୍ଷା ମନ୍ତ୍ରଣାଳୟ ଚାଇନା ଓ ଏହାର ସହଯୋଗୀ ପାକିସ୍ତାନର ସ୍ପଷ୍ଟ ସନ୍ଦର୍ଭ ଦେଇ କହିଛି ଭାରତୀୟ ସେନା ଆଧୁନିକିକରଣ ଓ ଶତ୍ରୁଙ୍କ ଆକ୍ରମଣକୁ ନେଇ ଉପୁଜିବାକୁ ଥିବା ସବୁ ସମସ୍ୟା ପାଇଁ ପ୍ରସ୍ତୁତ ଅଛନ୍ତି । ସେନା ଏଲଏସି ଓ ଏଲଓସିରେ ସ୍ଥିରତା ଓ ପ୍ରଭୁତ୍ୱ ସୁନିଶ୍ଚିତ କରିବାକୁ ଭାରତର ଇଚ୍ଛା ଅନୁରୂପ ପ୍ରସ୍ତୁତିକୁ ବଜାୟ ରଖିବାକୁ ଧ୍ୟାନ କେନ୍ଦ୍ରୀତ କରୁଛନ୍ତି ।
ଜାତୀୟ ନିରାପତ୍ତା ପ୍ରତି ଆସୁଥିବା ବିପଦକୁ ସେନା ନିରନ୍ତର ନଜର ରଖିଥାଏ ଓ ସମୀକ୍ଷା କରିଥାଏ । ପ୍ରତିରକ୍ଷା ମନ୍ତ୍ରଣାଳୟ ଏହାର ବାର୍ଷିକ ସମୀକ୍ଷାରେ ରିପୋର୍ଟ କରିଛି ଯେ ଗତବର୍ଷ ଫେବୃୟାରୀରୁ ଭାରତ ଏବଂ ପାକିସ୍ତାନରେ ସେନା ମଧ୍ୟରେ ଅସ୍ତ୍ର ବିରତି ଉଲ୍ଲଂଘନ ସହ ଏଲଓସି ସ୍ଥିତି ଅପେକ୍ଷାକୃତ ଶାନ୍ତିପୂର୍ଣ୍ଣ ଥିଲା । ପ୍ରତିରକ୍ଷା ମନ୍ତ୍ରଣାଳୟ କହିଛି, ପାକିସ୍ତାନ ପ୍ରକ୍ସି ଯୁଦ୍ଧ ଭିତ୍ତିଭୂମି ବଜାୟ ରଖିଛି ।