ଭୁବନେଶ୍ୱର,୧୧।୧୦: ଦେଶର ପ୍ରମୁଖ ଇନ୍କମ୍-ଟ୍ୟାକ୍ସ ଇ-ଫାଇଲିଙ୍ଗ୍ ପ୍ଲାଟ୍ଫର୍ମ ଟ୍ୟାକ୍ସବଡ଼ି ପକ୍ଷରୁ ଏକ ‘ଇନ୍କମ୍-ଟ୍ୟାକ୍ସ ଏକ୍ସପର୍ଟ କୋର୍ସ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଆୟକର ଦାଖଲ, ଟିକସ ସମ୍ବନ୍ଧିତ ପରାମର୍ଶ, ଟିକସ ଯୋଜନା ଏବଂ ବିଜ୍ଞପ୍ତି ପରିଚାଳନା ଭଳି ବିଭିନ୍ନ ବ୍ୟବହାରିକ ଦିଗ ସମ୍ପର୍କରେ ବିସ୍ତୃତ ସୂଚନା ପ୍ରଦାନ ସହ ଜ୍ଞାନ ଆହରଣ ପାଇଁ ଆବଶ୍ୟକ ଶିକ୍ଷା ପ୍ରଦାନ କରୁଛି। ଏହି ପ୍ରୋଗ୍ରାମ ସମସ୍ତ ଆୟକର ବ୍ୟବସ୍ଥା ଓ ସେଗୁଡିକର ପ୍ରୟୋଗକୁ ଅନ୍ତର୍ଭୁକ୍ତ କରିବ ଏବଂ ବିଦେଶୀ ଆୟ, ଇଏସ୍ପିପି, ଆର୍ଏସ୍ୟୁ, ଏଫ୍ଆଣ୍ଡ୍ଓ ଓ କ୍ରିପ୍ଟୋ ଇନ୍କମ୍ ଭଳି ସ୍ବତନ୍ତ୍ର ମାମଲାଗୁଡିକ ସହ ଇନ୍କମ୍ ଟ୍ୟାକ୍ସ ପୋର୍ଟାଲ ସମ୍ପର୍କରେ ମଧ୍ୟ ସୂଚନା ପ୍ରଦାନ କରିବ। ଏହି କୋର୍ସ ଜରିଆରେ ୪ମାସର ଇଣ୍ଟେନସିଭ୍ ପ୍ରୋଗ୍ରାମ ସୁବିଧା ମଧ୍ୟ ରହିଛି, ଯେଉଁଥିରେ ୧୦୦ ଘଣ୍ଟାର ଲାଇଭ୍ ସେସନ ଓ ସାପ୍ତାହିକ ମୂଲ୍ୟାଙ୍କନ ଆଦି ସାମିଲ ରହିଛି। ଏହା ମୁମ୍ବାଇଭିତ୍ତିକ ସଂସ୍ଥା ହୋଇଥିବା ବେଳେ ଭାରତରେ ଅନ୍ଲାଇନ୍ ଟିକସ ଦାଖଲ, ଟିକସ ପ୍ଲାନିଙ୍ଗ୍ ଓ ଟିକସ ପରାମର୍ଶ ସେବା କ୍ଷେତ୍ରରେ ବିଶେଷଜ୍ଞତା ହାସଲ କରିଛି। ଟ୍ୟାକ୍ସବଡିର ଅନ୍ତର୍ନିହିତକାରୀ ଇ-ଫାଇଲିଙ୍ଗ୍ ଆପ୍ଲିକେଶନ ଠିକ୍ ଟିକସ ରିଟର୍ନ ଦାଖଲ କରିବା ସୁନିଶ୍ଚିତ କରିଥାଏ। ଏହା ଟିକସଦାତାଙ୍କ ପାଇଁ ଏକ ସୁଲଭ ମୂଲ୍ୟରେ ବିଶେଷଜ୍ଞଙ୍କ ପରାମର୍ଶ ଉପଲବ୍ଧ କରିବା ଲାଗି ଟେକ୍ନୋଲୋଜିର ବ୍ୟବହାର କରିଥାଏ। ଏହି ପ୍ଲାଟ୍ଫର୍ମ ମୋବାଇଲ ଆପ୍, ୱେବ୍ ବ୍ରାଉଜର ଓ ହ୍ବାଟ୍ସଆପ୍ରେ ମଧ୍ୟ ଉପଲବ୍ଧ ରହିଛି, ଯାହା ଏହାର ସବ୍ସ୍କ୍ରାଇବରଙ୍କୁ ଟ୍ୟାକ୍ସବଡିର ଟିକସ ବିଶେଷଜ୍ଞଙ୍କ ସହଯୋଗରେ ଟିକସ ରିଟର୍ନ ଦାଖଲ କରିବା ପାଇଁ ସକ୍ଷମ କରୁଛି।
