ପ୍ୟାରିସ୍,୨୩ା୨: ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳର ଏକ ବିଦ୍ୟାଳୟରେ ଜଣେ ନାବାଳକ ଶିକ୍ଷୟିତ୍ରୀଙ୍କୁ ଛୁର ଭୁସି ହତ୍ୟା କରିଛନ୍ତି। ଆଞ୍ଚଳିକ ପ୍ରସିକ୍ୟୁଟର କହିଛନ୍ତି, ଦକ୍ଷିଣ-ପଶ୍ଚିମ ଫ୍ରାନ୍ସର ଏକ ବିଦ୍ୟାଳୟରେ କ୍ଲାସ ଚାଲିଥିବା ସମୟରେ ଜଣେ ନାବାଳକ ଛାତ୍ର ଆକ୍ରମଣ କରିବା ପରେ ଶିକ୍ଷୟିତ୍ରୀଙ୍କର ମୃତ୍ୟୁ ଘଟିଛି। ସେ କହିଛନ୍ତି ୫୨ ବର୍ଷୀୟା ଶିକ୍ଷୟିତ୍ରୀ ଆଗ୍ନେସ ଲେସ୍ଲେ ସମୁଦ୍ର କୂଳରେ ଥିବା ସେଣ୍ଟ-ଜାନ୍-ଡି-ଲୁଜରେ ଥିବା ଏକ ବିଦ୍ୟାଳୟରେ ସ୍ପେନିଶ ଶିକ୍ଷା ଦେଉଥିଲେ। ଏହି ସମୟରେ ଜଣେ ୧୬ ବର୍ଷର ବୟସ୍କ ନାବାଳକ ତାଙ୍କୁ ଛୁରିରେ ଆକ୍ରମଣ କରିଥିଲେ।
ଶ୍ରେଣୀରେ ଉପସ୍ଥିତ ନାବାଳକଙ୍କ ସହପାଠୀ ଗଣମାଧ୍ୟମକୁ କହିଛନ୍ତି, ସେ ଯେତେବେଳେ ସିଟ୍ରୁ ଉଠି ସେଠାରେ ପହଞ୍ଚିଲେ ମୁଁ ଜାଣି ନ ଥିଲି, କିନ୍ତୁ ମୁଁ ତାଙ୍କୁ ଶିକ୍ଷୟିତ୍ରୀଙ୍କ ସାମ୍ନାରେ ଠିଆ ହେବାର ଦେଖିଥିଲି। ସେ ଆହୁରି ମଧ୍ୟ କହିଥିଲେ, ସେ ବହୁତ ଶାନ୍ତ ଥିଲେ। ସେ ଶିକ୍ଷୟିତ୍ରୀଙ୍କ ନିକଟକୁ ଯାଇ କିଛି ନ କହି ତାଙ୍କ ଛାତିରେ ଛୁରି ଲଗାଇଥିଲେ। ଘଟଣାସ୍ଥଳରେ ଶିକ୍ଷୟିତ୍ରୀଙ୍କୁ ଜରୁରିକାଳୀନ ସହାୟତା ଦିଆଯାଇଥିଲା। ଅଧିକାରୀ ଜେରୋମ ବୋରିଅର କହିଛନ୍ତି, ଛୁରାମାଡ଼ର ଗଭୀର କ୍ଷତ ହୋଇଥିବାରୁ ଶିକ୍ଷୟିତ୍ରୀଙ୍କ ମୃତ୍ୟୁ ଘଟିଛି।
