କରୋନା ମହାମାରୀ ଯୋଗୁ ଶିକ୍ଷା ପଦ୍ଧତିରେ ଅନେକ ପରିବର୍ତ୍ତନ ହୋଇଛି। ପିଲା ସ୍କୁଲ ନ ଯାଇ ଅନ୍ଲାଇନ ଶିକ୍ଷା ଗ୍ରହଣ କରୁଛନ୍ତି। ଲାଇଭ୍ କ୍ଲାସ୍କୁ ବାଦ୍ ଦେଲେ ପ୍ରି-ରେକର୍ଡେଡ କ୍ଲାସ ଉପରେ ଛାତ୍ରୀଛାତ୍ର ନିର୍ଭରଶୀଳ। ଏହି ସମୟରେ ତାଇଓ୍ବାନର ଜଣେ ଶିକ୍ଷକ ଭିନ୍ନ ଏକ ପନ୍ଥା ଅବଲମ୍ବନ କରି ଏବେ ଚର୍ଚ୍ଚାକୁ ଆସିଛନ୍ତି ।
ତାଇଓ୍ବାନର ଗଣିତ ଶିକ୍ଷକ ଚାଙ୍ଗସୁ ଏକ ନିର୍ଦ୍ଦିଷ୍ଟ ଅଶ୍ଳୀଳ ଭିଡିଓ ଓ୍ବେବ୍ସାଇଟ୍ରେ ୨୦୦ରୁ ଅଧିକ ଗଣିତ ଶିକ୍ଷାର ଭିଡିଓ ଅପଲୋଡ୍ କରିଛନ୍ତି। ପ୍ରଥମେ ଛାଙ୍ଗ୍ସୁ ଶିକ୍ଷକ କେବଳ ୟୁଟ୍ୟୁବ୍ରେ ନିଜ ଭିଡିଓଗୁଡ଼ିକ ଅପଲୋଡ୍ କରୁଥିଲେ। ହେଲେ ୨୦୨୦ରେ ସେ ଅଶ୍ଳୀଳ ଭିଡିଓ ପ୍ଲାଟଫର୍ମରେ ନିଜ ଗଣିତ ଶିକ୍ଷା ଭିଡିଓଗୁଡ଼ିକ ଅପଲୋଡ୍ କଲେ। ଗଣିତରେ ମାଷ୍ଟର ଡିଗ୍ରୀ ହାସଲ କରିଥିବା ଚାଙ୍ଗସୁ ଦୀର୍ଘ ୧୫ ବର୍ଷ ଧରି ସ୍କୁଲରେ ପଢ଼ାଇ ଆସୁଛନ୍ତି । ଅଶ୍ଳୀଳ ଓ୍ବେବ୍ସାଇଟ୍ଗୁଡିକର ଲୋକପ୍ରିୟତା ପାଇଁ ଗଣିତ ଭିଡିଓଗୁଡ଼ିକୁ ମଧ୍ୟ ଲୋକେ ପସନ୍ଦ କରୁଛନ୍ତି।
୩୪ ବର୍ଷୀୟ ଶିକ୍ଷକ ଚାଙ୍ଗସୁ ଏକ ସାକ୍ଷାତକାରରେ ଏହା ପ୍ରକାଶ କରିଛନ୍ତି। ସେ କୁହନ୍ତି, ଏହା ତାଙ୍କ ପାଇଁ ଅତ୍ୟନ୍ତ ଗମ୍ଭୀର ଥିବାବେଳେ ସେ ଆଡଲ୍ଟ ଓ୍ବେବ୍ସାଇଟ୍ର ବାସ୍ତବତା ବିଷୟରେ ମଧ୍ୟ ଅବଗତ ଅଛନ୍ତି। ସେ ବିଶ୍ୱାସ କରନ୍ତି ଯେ, ତାଙ୍କର ପ୍ରାୟ ୬୦% ଦର୍ଶକ କେବଳ ତାଙ୍କ ଭିଡିଓ ପାଇଁ ମଜା କରନ୍ତି। ଯାହାକି ଶିଖିବାର ପ୍ରକୃତ ଉଦ୍ଦେଶ୍ୟ ନୁହେଁ। ତାଙ୍କର ଏହି ଭିଡିଓଗୁଡ଼ିକ ମଧ୍ୟରୁ ଅନେକ ୧.୬ ମିଲିୟନ ଭ୍ୟୁରେ ପହଞ୍ଚିଛି।