ପାଟଣା,୨୧।୭(ବୀରକିଶୋର ଦାଶ): କେନ୍ଦୁଝର ଜିଲା ତୁରୁମୁଙ୍ଗା ଥାନା ତୁରୁମୁଙ୍ଗା ଲକ୍ଷ୍ମୀମଣ୍ଡପ ନିକଟରେ ସୁବ୍ରତ ସାହୁଙ୍କ ଘରେ ଭଡାରେ ରହୁଥିବା ଦୁଇ ପରିବାରଙ୍କ ଚୋରି ହୋଇଛି। ଭଡ଼ା ଘରର ତାଲା ଭାଙ୍ଗି ମଙ୍ଗଳବାର ସନ୍ଧ୍ୟାରେ ଲକ୍ଷାଧିକ ଟଙ୍କାର ସୁନା ଅଳଙ୍କାର ସହ ନଗଦ ଟଙ୍କା ଦୁର୍ବୁତ୍ତ ଲୁଟିନେଇଛନ୍ତ।
ସୂଚନା ଅନୁଯାୟୀ, ସୁବ୍ରତଙ୍କ ଘରେ ମିନା ସାହୁ ଏବଂ ମଞ୍ଜୁ ନାଏକ ଦୀର୍ଘଦିନ ଧରି ଭଡାରେ ରହି ଅସୁଥଲେ। ଉଭୟ ପରିବାର ମଙ୍ଗଳବାର ଅପରାହ୍ନରେ ରାଜନଗର ରଥ ଯାତ୍ରା ଦେଖି ଯାଇଥିବା ବେଳେ ଘରର ତାଲା ଭାଙ୍ଗି ଆଲମିରା ଏବଂ ବାକ୍ସ ଭାଙ୍ଗି ଦୁର୍ବୃତ୍ତ ସୁନା ଗହଣା ଲୁଟି ନେଇଛନ୍ତି । ମିନା ସାହୁଙ୍କ ହଳେ ସୁନା କାନଫୁଲ ସହ ୫ ହଳ ରୁପା ପାଉଁଜି ଏବଂ ନଗଦ ୫ହଜାର ଟଙ୍କା ନେଇଥିବା ବେଳେ ମଞ୍ଜୁ ନାଏକଙ୍କ ଘରୁ ନଗଦ ୬ ହଜାର ଟଙ୍କା ସାଙ୍ଗକୁ ସୁନା ମୁଦି, ରୁପା ପାଉଁଜି ଲୁଟିନେଇଛନ୍ତି। ଉଭୟ ରାଜନଗର ଯାତ୍ରାରୁ ଫେରି ଘରର ଚାବି ଭଙ୍ଗା ହୋଇଥିବା ଦେଖିବାକୁ ପାଇଥିଲେ ପରେ ଘରୁ ଚୋରି ହୋଇଥିବା ଜାଣିବାକୁ ପାଇଥିଲେ ।