ଟିମ୍ ଇଂଲଣ୍ଡ ସଦସ୍ୟ ପିନ୍ଧିଲେ ପରସ୍ପରର ଜର୍ସି: ଅଲଝାଇମର ସୋସାଇଟି ପ୍ରତି ସମ୍ମାନ ପ୍ରଦର୍ଶନ…
01 ଲଣ୍ଡନ,୨୯।୭ : ଇଂଲଣ୍ଡର କ୍ରିକେଟ ଦଳର ଖେଳାଳିମାନେ ଲଣ୍ଡନର ଓଭାଲରେ ପଞ୍ଚମ ଆଶେସ ଟେଷ୍ଟର ତୃତୀୟ ଦିନରେ ଅଲଝାଇମର ସୋସାଇଟିକୁ ସମ୍ମାନ ପ୍ରଦର୍ଶନ କରିଥିଲେ। ଅଲଝାଇମର ସୋସାଇଟି ହେଉଛି ଏକ ସଂଗଠନ ଯାହା ବ୍ରିଟେନରେ ଡିମେନ୍ସିଆ, କେୟାର, ବିଶେଷଜ୍ଞ, ପ୍ରଚାରକ, ଅନୁସନ୍ଧାନକାରୀ ଏବଂ କ୍ଲିନିକାଲ ବିଶେଷଜ୍ଞଙ୍କ ସହ ବାସ କରୁଥିବା ଲୋକଙ୍କୁ ନେଇ ଗଠିତ ।
ସମସ୍ତ ଇଂଲଣ୍ଡ ଖେଳାଳି ପଞ୍ଚମ ଟେଷ୍ଟର ତୃତୀୟ ଦିନରେ ସକାଳ ଅଧିବେଶନ ପୂର୍ବରୁ ନିଜ ଜର୍ସିରେ ଭୁଲ ନାମ ନେଇ ପଡ଼ିଆକୁ ଓହ୍ଲାଇଥିଲେ। ଅର୍ଥାତ ସମସ୍ତଟିମ୍ ଇଂଲଣ୍ଡ ଖେଳାଳି ଅଲଝାଇମର ସମସ୍ୟାରେ ଭୁଲାମନ ପରି ପରସ୍ପରର ଜର୍ସି ଅଦଳ ବଦଳ କରି ପିନ୍ଧିଥିଲେ। କ୍ୟାପଟେନ ବେନ ଷ୍ଟୋକ୍ସ ଜନି ବେୟାରଷ୍ଟୋଙ୍କ ଜର୍ସି ପିନ୍ଧିଥିବାବେଳେ ମୋଏନ ଅଲି ୱେକସ ଜର୍ସି ପିନ୍ଧିଥିଲେ, ଜେମ୍ସ ଆଣ୍ଡରସନ ଷ୍ଟୁଆର୍ଟ ବ୍ରଡଙ୍କ ସାର୍ଟ ପିନ୍ଧିଥିଲେ।
ପ୍ରଥମ ଅଧିବେଶନ ଆରମ୍ଭ ପୂର୍ବରୁ ଅଲଝାଇମର ସୋସାଇଟିର ଲୋକମାନଙ୍କ ଦ୍ୱାରା ଏକ ଗୀତ ମଧ୍ୟ ଉଭୟ ଦଳ ଉପଭୋଗ କରିଥିଲେ। ଏହା ପରେ ଯେତେବେଳେ ଇଂଲଣ୍ଡର ସମସ୍ତ ଖେଳାଳି ପଡ଼ିଆକୁ ଆସିଲେ, ଅଷ୍ଟ୍ରେଲିଆ ଦଳ ମଧ୍ୟ ସେମାନଙ୍କୁ ସମର୍ଥନ କରିଥିଲେ। ଇଂଲଣ୍ଡ ଖେଳାଳିଙ୍କ ସହ ଅଷ୍ଟ୍ରେଲିଆ ଦଳ ମଧ୍ୟ ପଡ଼ିଆରେ ଏକାଠି ହୋଇଥିଲେ।
ପ୍ରଶଂସକମାନେ ଏହି ପଦକ୍ଷେପକୁ ପ୍ରଶଂସା କରିଥିଲେ ଏବଂ ଉଭୟ ଦଳଙ୍କୁ ପ୍ରଶଂସା କରିଥିଲେ। ଏହାର ଭିଡିଓ ଇଂଲଣ୍ଡ କ୍ରିକେଟ ବୋର୍ଡ ଟୁଇଟରରେ ମଧ୍ୟ ଶେୟାର କରିଛି। ଅବଶ୍ୟ, ପରେ ଅର୍ଥାତ ଖେଳ ଆରମ୍ଭ ପରେ ସମସ୍ତେ ନିଜର ଠିକ ଜର୍ସି ପିନ୍ଧିଥିଲେ ।