ନୂଆଦିଲ୍ଲୀ,୧୭।୧୧: ଭାରତ-ନ୍ୟୁଜିଲାଣ୍ଡ ମଧ୍ୟରେ ଖେଳାଯାଇଥିବା ସେମିଫାଇନାଲ ମୁକାବିଲାରେ ଜବରଦସ୍ତ ବୋଲିଂ ପ୍ରଦର୍ଶନ କରିଥିଲେ ମହମ୍ମଦ ଶାମି। ସେହିଭଳି ବ୍ୟାଟିଂରେ ବିରାଟ କୋହଲି ନିଜର ୫୦ତମ ଦିନିକିଆ ଶତକ ସହ ମହାନ ବ୍ୟାଟ୍ସମ୍ୟାନ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଥିଲେ। ଗୋଟିଏ ପଟେ ଖେଳାଳିଙ୍କ ଉପଲବ୍ଧି ଏବଂ ଅନ୍ୟପକ୍ଷେ ଦଳ ଫାଇନାଲକୁ ପ୍ରବେଶ କରିଥିବାରୁ ସମସ୍ତେ ଖୁସିରେ ବିଭୋର ହୋଇଛନ୍ତି। ଭାରତୀୟ ଡ୍ରେସିଂ ରୁମ୍ରେ ମଧ୍ୟ ଜୋରଦାର ସେଲିବ୍ରେଶନ କରାଯାଇଛି। ଏହାର ଭିଡିଓ ବିସିସିଆଇ ଶେୟାର କରିଛି।
ଭିଡିଓରେ କୋହଲି ଏବଂ ଶାମିଙ୍କୁ ସମସ୍ତେ ଶୁଭେଚ୍ଛା ଜଣାଉଥିବା ଦେଖାଯାଇଛି। ଏହି ସମୟରେ ରବିଚନ୍ଦ୍ରନ ଅଶ୍ୱିନ ବୋଲିଂ ଷ୍ଟାର ଶାମିଙ୍କ ହାତକୁ ଚୁମୁଥିବା ଦେଖାଯାଉଛି। ସେହିଭଳି ଦଳରେ ସାମିଲ ହୋଇ ନ ଥିଲେ ହେଁ ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ମଧ୍ୟ ସେଠାରେ ପହଞ୍ଚି ଖେଳାଳିମାନଙ୍କୁ ଅଭିନନ୍ଦନ ଜଣାଇଛନ୍ତି। ଏହାଛଡ଼ା କୋହଲି ଏବଂ ବିରାଟ ମଧ୍ୟ ପରସ୍ପରକୁ ଆଲିଙ୍ଗନ କରି ଖୁସିବ୍ୟକ୍ତ କରୁଥିବା ନଜର ଆସିଛି।
କହିରଖୁଛୁ, ଭାରତ ନ୍ୟୁଜିଲାଣ୍ଡ ବିପକ୍ଷରେ ୩୯୭ ରନ୍ର ବିଶାଳ ସ୍କୋର କରିଥିଲା। ଏହାପରେ ଲକ୍ଷ୍ୟର ପିଛା କରି ନ୍ୟୁଜିଲାଣ୍ଡ ଟିମ୍ ୩୨୭ ରନ୍ କରିବାରେ ସଫଳ ହୋଇଥିଲା।