ରାଞ୍ଚି,୭।୫: ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ଘରକୁ ଏକ ନୂଆ ଅତିଥି ଆସିଛି। ଏନେଇ ତାଙ୍କ ସ୍ତ୍ରୀ ସୋସିଆଲ ମିଡିଆରେ ସୂଚନା ଦେଇଛନ୍ତି। ଏହି ନୂଆ ଅତିଥି ଜଣକ ହେଉଛି ଘୋଡା। ଯାହାର ନାମ ଚେତକ । ସାକ୍ଷୀ ଚେତକଙ୍କ ଏକ ଭିଡିଓ ଶେୟାର କରି କ୍ୟାପଶନ୍ରେ ଲେଖିଛନ୍ତି, ଘରକୁ ତୁମକୁ ସ୍ବାଗତ, ଯେତେବେଳେ ତୁମେ କୁକୁର ସହ ମିଶିଲ ସେତେବେଳେ ତୁମେ ଭଦ୍ର ଭଳି ବ୍ୟବହାର କରିଥିଲା। ହସ, ଖୁସିରେ ଆମ ପରିବାରକୁ ତୁମକୁ ସ୍ବାଗତ କରୁଛୁ। ସୂଚନାଯୋଗ୍ୟ, ରାଞ୍ଚିରେ ଧୋନୀଙ୍କ ଏକ ଫାର୍ମ ହାଉସ୍ ଅଛି। ଏଥିରେ ଷ୍ଟ୍ରବେରୀଠାରୁ ଆରମ୍ଭ କରି ଅନେକ ଜୈବିକ ଫସଲ ଉତ୍ପାଦନ ହେଉଛି। ଏଠାରୁ ଉତ୍ପାଦିତ ଫସଲ ବହାର ଦେଶକୁ ମଧ୍ୟ ରପ୍ତାନି ହେଉଛି। ଚେତକ ଏହି ଫାମ ହାଉସ୍ରେ ରହିବେ। ଆଇପିଏଲ୍ ସ୍ଥଗିତ ହେବାରେ ଧୋନୀ ଏବେ ନିଜ ସାଥୀ ଖେଳାଳିଙ୍କୁ ସୁରକ୍ଷିତ ଘରକୁ ପହଞ୍ଚାଇବାରେ ବ୍ୟସ୍ତ ଅଛନ୍ତି।