ନୂଆଦିଲ୍ଲୀ,୨୧।୭: ଶ୍ରୀଲଙ୍କା ବିପକ୍ଷରେ ଖେଳାଯିବାକୁ ଥିବା ଟି୨୦ ଏବଂ ଦିନିକିଆ ସିରିଜ ଲାଗି ଭାରତୀୟ କ୍ରିକେଟ ଟିମ୍ ପ୍ରସ୍ତୁତ। ଏହି ସିରିଜ ନୂଆ କୋଚ୍ ଗୌତମ ଗମ୍ଭୀରଙ୍କ ପାଇଁ ସ୍ବତନ୍ତ୍ର ହେବ। ଏହାପୂର୍ବରୁ ତାଙ୍କ ଦ୍ୱାରା ଚୟନ ହୋଇଥିବା ଟିମ୍ରେ ଅନେକ ପରିବର୍ତ୍ତନ ଦେଖିବାକୁ ମିଳିଛି, ଯାହାକୁ ନେଇ ସେ ଆଲୋଚନା କରିବାକୁ ପ୍ରସ୍ତୁତ ହୋଇଛନ୍ତି। ହେଡ୍ କୋଚ୍ ଭାବେ ସେ ଗଣମାଧ୍ୟମର ସମସ୍ତ ପ୍ରଶ୍ନର ଉତ୍ତର ମଧ୍ୟ ରଖିବେ।
କେବେ ହେବ ଖବରଦାତା ସମ୍ମିଳନୀ?
ମୁଖ୍ୟ କୋଚ୍ ଭାବେ ଗମ୍ଭୀର ଜୁଲାଇ ୨୨ ସୋମବାର ପ୍ରଥମ ଖବରଦାତା ସମ୍ମିଳନୀ କରିବେ।
କେଉଁ ସମୟରେ କରାଯିବ?
ଗମ୍ଭୀରଙ୍କ ପ୍ରେସ୍ କନ୍ଫରେନ୍ସ ଭାରତୀୟ ସମୟାନୁସାରେ ସକାଳ ୧୦ଟାରେ ହେବ।
କେଉଁଠି ଦେଖିବେ?
ଏହି ପ୍ରେସ୍ କନ୍ଫରେନ୍ସର ଲାଇଭ୍ ଷ୍ଟ୍ରିମିଂକୁ ଜିଓ ସିନେମା ଆପ୍ରେ ମାଗଣାରେ ଦେଖିହେବ। ହେଲେ ଏହା ଟେଲିଭିଜନରେ ପ୍ରସାରଣ କରାଯିବ ନାହିଁ।