ଗାବା,୧୯।୧: ଅଷ୍ଟ୍ରେଲିଆ ବିପକ୍ଷ ଚତୁର୍ଥ ତଥା ନିର୍ଣ୍ଣାୟକ ମ୍ୟାଚ୍ରେ ଐତିହାସିକ ବିଜୟ ହାସଲ କରିଛି ଭାରତ। ସିରିଜ ଜିତିବା ପରେ ଭାରତୀୟ ଟିମ୍ ଅଷ୍ଟ୍ରେଲିୟ ଅଫ୍ ସ୍ପିନର ନାଇନ ଲିୟୋନଙ୍କୁ ୧୦୦ତମ ଟେଷ୍ଟ ଖେଳିବାକୁ ନେଇ ଉପହାର ଦେଇ ଉଦାହରଣ ସୃଷ୍ଟି କରିଛି। ଦଳର ଦସ୍ତଖତ ଥିବା ଜର୍ସିକୁ ଲିୟୋନଙ୍କୁ ଦିଆଯାଇଛି। ଖେଳ ଶେଷ ହେବା ପରେ ଆୟୋଜିତ ସମାରୋହରେ କାମଚଳା ଅଧିନାୟକ ଅଜିଙ୍କ୍ୟ ରାହାଣେ ସ୍ପିନର ଲିୟୋନଙ୍କୁ ମଞ୍ଚ ଉପରକୁ ଡାକି ଏହି ଉପହାର ଦେଇଥିଲେ।
ପ୍ରକାଶ ଯେ, ଲିୟୋନ ୨୦୧୧ରୁ ଟେଷ୍ଟ କ୍ୟାରିୟର ଆରମ୍ଭ କରିଥିଲେ। ଚଳିତ ମ୍ୟାଚ୍ ତାଙ୍କ କ୍ୟାରିୟରର ୧୦୦ତମ ଟେଷ୍ଟ ଥିଲା। ଏହି ସ୍ପିନର ବ୍ରିସ୍ବେନ୍ରେ ୩ ଉଇକେଟ ନେଇଥିଲେ। ଏହାକୁ ମିଶାଇ ତାଙ୍କର ଟେଷ୍ଟ କ୍ରିକେଟ ଉଇକେଟ ସଂଖ୍ୟା ୩୯୯କୁ ବୃଦ୍ଧି ପାଇଛି।