ନୂଆଦିଲ୍ଲୀ,୩।୧: ଭାରତୀୟ କ୍ରିକେଟ ଦଳ ଉଇକେଟ କିପର ବ୍ୟାଟ୍ସମ୍ୟାନ ରିଷଭ ପନ୍ତଙ୍କ ଶୀଘ୍ର ଆରୋଗ୍ୟ କାମନା କରିଛନ୍ତି। କୋଚ ରାହୁଲ ଦ୍ରାବିଡ ଏବଂ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ସମେତ ଦଳର ଅନ୍ୟ ଖେଳାଳିମାନେ ଶ୍ରୀଲଙ୍କା ବିପକ୍ଷ ସିରିଜ ପୂର୍ବରୁ ପନ୍ତଙ୍କୁ ଏକ ସ୍ବତନ୍ତ୍ର ବାର୍ତ୍ତା ପଠାଇଛନ୍ତି। ବିସିସିଆଇ ମଙ୍ଗଳବାର ସୋସିଆଲ ମିଡିଆରେ ଏକ ଭିଡିଓ ଶେୟାର କରିଛି। ଏଥିରେ କୋଚ ରାହୁଲ ଦ୍ରାଭିଡ ଏବଂ ଦଳର ସଦସ୍ୟମାନେ ପନ୍ତଙ୍କୁ ଜଣେ ଯୋଦ୍ଧା ବୋଲି ବର୍ଣ୍ଣନା କରି ତୁମେ ଚାମ୍ପିଅନ ଏବଂ ଶୀଘ୍ର ସୁସ୍ଥ ହୁଅ ବୋଲି କହିଛନ୍ତି।
ମୁଖ୍ୟ କୋଚ ରାହୁଲ ଦ୍ରାବିଡ କହିଛନ୍ତି- ରିଷଭ, ଆଶାକରେ ତୁମେ ଶୀଘ୍ର ଭଲ ହୋଇଯିବ। ଗତ ବର୍ଷେ ହେବ ମୁଁ ତୁମ ସହିତ କାମ କରିବାର ସୁଯୋଗ ପାଇଛି। ଏହି ସମୟ ମଧ୍ୟରେ, ତୁମେ କଠିନ ପରିସ୍ଥିତିରେ ଟେଷ୍ଟରେ ଅନେକ ସ୍ମରଣୀୟ ଇନିଂସ ଖେଳିଛନ୍ତି। ମୁଁ ଜାଣେ ତୁମେ ଜାଣିଛ କି ଏପରି ପରିସ୍ଥିତିରୁ କିପରି ବାହାରିବ। ଏହା ଏକ ଚ୍ୟାଲେଞ୍ଜ ଏବଂ ତୁମେ ପୁଣି ଫେରିବ।
ଡିସେମ୍ବର ୩୦ ଉତ୍ତରାଖଣ୍ଡର ରୁରକୀରେ ପନ୍ତ ଦୁର୍ଘଟଣାର ଶିକାର ହୋଇଥିଲେ। ଏହା ପରେ ପନ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ପନ୍ତଙ୍କ ଆଣ୍ଠୁ, ହାତ ଏବଂ ପିଠିରେ ମଧ୍ୟ ଆଘାତ ଲାଗିଛି। ସମ୍ପୂର୍ଣ୍ଣ ସୁସ୍ଥ ହେବାକୁ ପନ୍ତଙ୍କୁ ଅତି କମରେ ଛଅ ମାସ ସମୟ ଲାଗିବ ବୋଲି କୁହାଯାଉଛି।