ଅହମ୍ମଦାବାଦ୍,୪।୨: ଆସନ୍ତା ୬ ତାରିଖରେ ନରେନ୍ଦ୍ର ମୋଦି ଷ୍ଟାଡିୟମରେ ଓ୍ବେଷ୍ଟଇଣ୍ଡିଜ ବିପକ୍ଷ ପ୍ରଥମ ଦିନିକିଆ ମ୍ୟାଚ୍ରେ ଓହ୍ଲାଇବା କ୍ଷଣି ଏକ ସ୍ବତନ୍ତ୍ର ରେକର୍ଡ କରିବ ଟିମ୍ ଇଣ୍ଡିଆ। ଭାରତୀୟ ଦଳ ପାଇଁ ଏହା ହେବାକୁ ଯାଉଛି ଏକ ହଜାର ତମ ଦିନିକିଆ ମ୍ୟାଚ୍। ଏପର୍ଯ୍ୟନ୍ତ ଅନ୍ୟ କୌଣସି ଦଳ ଏହି ମାଇଲଷ୍ଟୋନ ସ୍ପର୍ଶ କରି ପାରି ନାହାନ୍ତି। ଭାରତ ପଛକୁ ଦ୍ୱିତୀୟ ସ୍ଥାନରେ ରହିଛି ୯୫୮ ଦିନିକିଆ ମ୍ୟାଚ୍ ସହ ଅଷ୍ଟ୍ରେଲିଆ। ୯୦୦ରୁ ଅଧିକ ଦିନିକିଆ ମ୍ୟାଚ୍ ଖେଳିବାରେ ପାକିସ୍ତାନ ହେଉଛି ତୃତୀୟ ଦଳ। ଏହି ଦଳ ୯୩୬ ମ୍ୟାଚ୍ ଖେଳିଛି।
ଏପର୍ଯ୍ୟନ୍ତ ୯୯୯ ମ୍ୟାଚ୍ ଖେଳିଥିବା ଭାରତ ୫୧୮ ଜିତିଥିବା ବେଳେ ୪୩୧ ମ୍ୟାଚ୍ରେ ପରାସ୍ତ ହୋଇଛି।