ଲର୍ଡସ,୧୯।୮: ଭାରତୀୟ କ୍ରିକେଟ ଦଳ ଲର୍ଡସରେ ଇଂଲଣ୍ଡ ବିପକ୍ଷରେ ଐତିହାସିକ ବିଜୟ ହାସଲ କରି ଟେଷ୍ଟ ସିରିଜରେ ୧-୦ରେ ଅଗ୍ରଣୀ ହାସଲ କରିଛି। ଏବେ ଅଗଷ୍ଟ ୨୫ ରୁ ଆରମ୍ଭ ହେବାକୁ ଥିବା ଲିଡସ ଟେଷ୍ଟ ପାଇଁ ଭାରତୀୟ ଦଳ ପ୍ରସ୍ତୁତି ଆରମ୍ଭ କରିଛି। ସମସ୍ତ ଖେଳାଳି ପୁଣି ଥରେ ସେମାନଙ୍କ ଫିଟନେସ ଉପରେ କାମ କରୁଛନ୍ତି । ଟିମ ଇଣ୍ଡିଆର ଉଇକେଟ କିପର ରିଷଭ ପନ୍ତ ମଧ୍ୟ ଝାଳ ବୁହାଉଛନ୍ତି ଏବଂ ସେ ତାଙ୍କ ଗୋଡର ମାଂସପେଶୀ ପ୍ରତି ଧ୍ୟାନ ଦେଇଛନ୍ତି। ସବୁଠୁ ଆଶ୍ଚର୍ଯ୍ୟର କଥା ହେଉଛି ରିଷଭ ଅକ୍ଷର ପଟେଲଙ୍କୁ ଉଠାଇ ଓ୍ବାର୍କଆଉଟ୍ କରିବା ଆରମ୍ଭ କରିଥିଲେ। ପନ୍ତ ଏହାର ଭିଡିଓ ଇନଷ୍ଟାଗ୍ରାମ ଆକାଉଣ୍ଟରେ ଶେୟାର କରିଛନ୍ତି। ଭିଡିଓରେ ସେ ଆକ୍ଷର ପଟେଲଙ୍କୁ ତାଙ୍କ କୋଳରେ ଠିଆ କରି ଓ୍ବାର୍କଆଉଟ୍ କରୁଥିବାର ଦେଖାଯାଇଛି।