କୋଲକାତା,୧୮।୨: ଆଇପିଏଲ ଅକ୍ଶନରେ ୧୨.୨୫ କୋଟି ଟଙ୍କାରେ ବିକ୍ରି ହୋଇଥିବା ଶ୍ରେୟାସ ଆୟାର ଭାରତୀୟ ଟି୨୦ ଦଳରେ ଫିଟ୍ ହେଉ ନାହାନ୍ତି। ଟିମ୍ ଇଣ୍ଡିଆରେ ସ୍ଥାନ ପକ୍କା କରିବା ପାଇଁ ତାଙ୍କୁ ବୋଲିଂ ଦକ୍ଷତା ବୃଦ୍ଧି କରିବାକୁ ପଡ଼ିବ। କାରଣ ମିଡ୍ଲ ଅର୍ଡର ସ୍ଲଟରେ ବୋଲିଂ କରିପାରୁଥିବା ବ୍ୟାଟର ଦରକାର ବୋଲି ଅଧିନାୟକ ରୋହିତ ଶର୍ମା ସ୍ପଷ୍ଟ କରିଛନ୍ତି।
“ଶ୍ରେୟାସଙ୍କ ଭଳି ବ୍ୟାଟରଙ୍କୁ ବସିବାକୁ ପଡ଼ିଛି। କିନ୍ତୁ ଦଳର ଆବଶ୍ୟକତାକୁ ଦୃଷ୍ଟିରେ ରଖି ଏଭଳି କରାଯାଇଛି। ଆମକୁ ମିଡ୍ଲ ଅର୍ଡରରେ ବୋଲିଂ କରିପାରୁଥିବା ଅଲରାଉଣ୍ଡର ଦରକାର” ବୋଲି ରୋହିତ ପ୍ରଥମ ମ୍ୟାଚ୍ ପରେ କହିଥିଲେ।