ବାର୍ସିଲୋନା,୮।୮: ଏଫ୍ସି ବର୍ସିଲୋନା କ୍ଲବ ଛାଡ଼ୁଥିବା ରବିବାର କୋହଭରା କଣ୍ଠରେ ସ୍ପଷ୍ଟ କରିଛନ୍ତି ଲିଓନେଲ ମେସି। ଆର୍ଜେଣ୍ଟିନାର ଷ୍ଟାରଙ୍କୁ ଦରମା ଦେବା ଲାଗି ସ୍ପାନିଶ କ୍ଲବ ବାର୍ସିଲୋନା ଅକ୍ଷମତା ପ୍ରକାଶ କରିବା ପରେ ବିଶ୍ୱର ଲୋକପ୍ରିୟ ଷ୍ଟାର ଏଭଳି ଘୋଷଣା କରିଛନ୍ତି। ଏବେ ପାରିସ ସେଣ୍ଟ ଜର୍ମେନ (ପିଏସ୍ଜି) ସହ ତାଙ୍କର ମୂଳଚାଳ ଚାଲିଛି। ତେବେ ଏ ସମ୍ପର୍କରେ ସେ କୌଣସି ପ୍ରକାର ସୂଚନା ଦେଇ ନାହାନ୍ତି। ଯଥା ସମ୍ଭବ ପ୍ରତିଦ୍ୱନ୍ଦ୍ୱିତାମୂଳକ ଖେଳ ଜାରି ରଖିବା ନେଇ କୋହଭରା କଣ୍ଠରେ ମେସି କହିଛନ୍ତି।
ହଜାର ହଜାର ପ୍ରଶଂସକ ମେସିଙ୍କ ୧୦ ନଂ ଜର୍ସି ପିନ୍ଧି କାମ୍ପ ନୋଆ ଷ୍ଟାଡିୟମ ବାହାରେ ମେସିଙ୍କୁ ବିଦାୟ ଦେଇଛନ୍ତି। ୩୪ ବର୍ଷୀୟ ଷ୍ଟାର ଗତ ୨୧ ବର୍ଷ ହେଲା କ୍ଲବ ସହ ଯୋଡ଼ି ହୋଇ ରହିଥିଲେ। କ୍ଲବ ପାଇଁ ସର୍ବାଧିକ ୬୮୨ ଗୋଲ କରିଥିବା ମେସିଙ୍କ ଭାଷଣ ଶେଷ ହେବା ପରେ ଉପସ୍ଥିତ ଖବରଦାତା, ସାଥୀ ଖେଳାଳି, ପୂର୍ବତନ ଖେଳାଳି ଓ କୋଚ୍ମାନେ ଛିଡ଼ାହୋଇ ଦୀର୍ଘ ସମୟ ଧରି ତାଳି ମାରିଥିଲେ। ପରେ ତାଙ୍କ ପ୍ରତିନିଧିତ୍ୱରେ ବର୍ସିଲୋନା ଜିତିଥିବା ସମସ୍ତ ୩୪ ଟ୍ରଫି ସହ ଫଟୋ ଉଠାଇଥିଲେ ମେସି।