ମୁମ୍ବାଇ: ବଲିଉଡ ନାୟକ କାର୍ତ୍ତିକ ଆର୍ଯ୍ୟନ ଓ ଅଭିନେତ୍ରୀ କିଆରା ଆଡଭାନୀଙ୍କ ଅଭିନୀତ ଅପକମିଂ ମୁଭି ‘ସତ୍ୟ ପ୍ରେମ କି କଥା’କୁ ନେଇ କିଛିଦିନ ହେବ ଚର୍ଚ୍ଚା ଚାଲିଛି। ଏହାରି ଭିତରେ ଫିଲ୍ମର ଟିଜର ରିଲିଜ ହୋଇଛି। ଏହି ଟିଜରରେ ଉଭୟ ନାୟିକା-ନାୟକ ବଡ ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି।
କାର୍ତ୍ତିକ ଆର୍ଯ୍ୟନ ଏବଂ କିଆରା ଆଡଭାନୀଙ୍କ ଅଭିନୀତ ଏହି ମୁଭିରେ ଏକ ପ୍ରେମ କାହାଣୀକୁ ଦର୍ଶାଯାଇଛି। ଏହି ମୁଭିରେ କାର୍ତ୍ତିକଙ୍କ ଚରିତ୍ରର ନାମ ସତ୍ୟପ୍ରେମ ଏବଂ କିଆରାଙ୍କ ଚରିତ୍ରର ନାମ କାଥା। ଫିଲ୍ମର ଟିଜରରେ ବ୍ୟାକଗ୍ରାଉଣ୍ଡ ମ୍ୟୁଜିକ ସହିତ ଏକ ଭଏସ ଓଭର ଚାଲିଛି ଏବଂ ସେହି ସମୟରେ କାର୍ତ୍ତିକ-କିଆରା ଭିନ୍ନ ଭିନ୍ନ ଲୋକେଶନରେ ପ୍ରେମ କରୁଥିବା ଦେଖିବାକୁ ମିଳୁଛି। ଏହି ସମୟରେ ଉଭୟଙ୍କ ବିବାହର ଏକ ଦୃଶ୍ୟ ଦେଖିବାକୁ ମିଳିଥିବା ବେଳେ ଉଭୟ ଉଦାସ ନଜର ଆସିଛନ୍ତି।
ସେହିଭଳି ଟିଜରରେ କାର୍ତ୍ତିକ କହୁଛନ୍ତି, ଯେଉଁ ଶବ୍ଦଗୁଡ଼ିକ କେବେ ପୂରଣ ହୁଏ ନାହିଁ, ପ୍ରତିଜ୍ଞା ଯାହା ଅସମ୍ପୂର୍ଣ୍ଣ, ହସ ଯାହା କେବେ କମିଯାଏ ନାହିଁ, ଆଖି ଯାହା କେବେ ଓଦା ହୁଏନାହିଁ, ଯଦି ହୁଏ ତେବେ…। ଫିଲ୍ମରେ କାର୍ତ୍ତିକ ଏବଂ କିଆରାଙ୍କ ସହ ସୁପ୍ରିୟା ପାଠକ କପୁର, ଗଜରାଜ ରାଓ, ସିଦ୍ଧାର୍ଥ ରାନ୍ଧେରିଆ, ଅନୁରାଧା ପଟେଲ, ରାଜପାଲ ଯାଦବ, ନିର୍ମିତ ସାୱନ୍ତ ଏବଂ ଶିଖା ତଲସାନିଆ ମଧ୍ୟ ନଜର ଆସିବେ। ‘ସତ୍ୟପ୍ରେମ କି କଥା’ ୨୯ ଜୁନ ୨୦୨୩ରେ ରିଲିଜ୍ ହେବ।