ଶେଷରେ ଟାଇଗର ଶ୍ରଫ ଏବଂ କ୍ରିତି ସାନନଙ୍କ ବହୁପ୍ରତୀକ୍ଷିତ ଫିଲ୍ମ ‘ଗଣପତ: ଏ ହିରୋ ଇଜ୍ ବର୍ନ’ର ଚମତ୍କାର ଟିଜର ମୁକ୍ତିଲାଭ କରିଛି। ପୂଜା ଏଣ୍ଟରଟେନମେଣ୍ଟ ‘ଗଣପତ’ର ରୋମାଞ୍ଚକର ଟିଜର ରିଲିଜ ହେବା ସହିତ ଫିଲ୍ମକୁ ନେଇ ଦର୍ଶକଙ୍କୁ ଉତ୍ସୁତା ଆହୁରି ବଢିଛି। ଟାଇଗର ଶ୍ରଫଙ୍କ ପାୱାର ପ୍ୟାକ ଆକ୍ସନରୁ ଟିଜର ଭିଡିଓ ଆରମ୍ଭ ହୋଇଛି। କ୍ରିତି ସାନନଙ୍କ ସହିତ ଶ୍ରଫଙ୍କ ଜବରଦସ୍ତ ଫ୍ଲାଇଙ୍ଗ କିକ୍ ଏବଂ ଧଳା ପୋଷାକରେ ଅମିତାଭ ବଚ୍ଚନଙ୍କ ଝଲକ ମନକୁ ଆନ୍ଦୋଳିତ କରୁଛି।
କ୍ୱିନ୍ ଏବଂ ସୁପର ୩୦ର ଖ୍ୟାତନାମା ନିର୍ଦ୍ଦେଶକ ବିକାଶ ବହଲଙ୍କ ଦ୍ୱାରା ନିର୍ଦ୍ଦେଶିତ ଏହି ଆକ୍ସନ ଫିଲ୍ମରେ ଟାଇଗର ଶ୍ରଫ, କ୍ରିତି ସାନନ ଏବଂ ମେଗାଷ୍ଟାର ଅମିତାଭ ବଚ୍ଚନ ଅଭିନୟ କରିଛନ୍ତି। ଏହି ଫିଲ୍ମଟି ଅକ୍ଟୋବର ୨୦ରେ ହିନ୍ଦୀ, ତାମିଲ, ତେଲୁଗୁ, ମାଲାୟାଲମ ଏବଂ କନ୍ନଡରେ ମୁକ୍ତିଲାଭ କରିବ।
