ମୁମ୍ବାଇ, ୨୦। ୩: ମୁମ୍ବାଇର ଓ୍ବେରଲିରେ ରବିବାର ସକାଳେ କାର୍ ଧକ୍କାରେ ଟେକ୍ କମ୍ପାନୀ ସିଇଓ ରାଜଲକ୍ଷ୍ମୀ ରାମଙ୍କ ମୃତ୍ୟୁ ଘଟିଛି। ଦାଦର ମାଟୁଙ୍ଗା ଅଞ୍ଚଳରେ ରାଜଲକ୍ଷ୍ମୀଙ୍କ ଘର। ରବିବାର ସକାଳ ପ୍ରାୟ ସାଢ଼େ ୬ଟାବେଳେ ସେ ଶିବାଜୀ ପାର୍କ ନିକଟରେ ଜଗିଂ କରୁଥିବାବେଳେ ଏକ ଦ୍ରୁତଗାମି କାର୍ ତାଙ୍କ ସହ ପିଟି ହୋଇଥିଲା। କାର୍ରେ ପିଟିହୋଇ ରାଜଲକ୍ଷ୍ମୀଙ୍କ ମୃତ୍ୟୁ ଘଟିଥିବା ପୋଲିସ କହିଛି। ତେବେ ସ୍ଥାନୀୟ ଲୋକେ କାର୍ ଡ୍ରାଇଭରକୁ ଧରି ଓ୍ବେରଲି ପୋଲିସ ଜିମା ଦେଇଛନ୍ତି।