କେନ୍ଦୁଝର,୧୯।୧(ସ୍ବ.ପ୍ର.): କେନ୍ଦୁଝର ଜିଲା ସଦର ତହସିଲ ଅନ୍ତର୍ଗତ ନୂଆଗାଁ ପଞ୍ଚାୟତ ବିରକିଶୋରପୁର ଗ୍ରାମରେ ସରକାରୀ ଜମିର କିସମ ପରବର୍ତ୍ତନ ପାଇଁ ଗ୍ରାମବାସୀଙ୍କୁ ନୋଟିସ କରାଯାଇଛି। ଏହି ଜମିକୁ ଇଡକୋ ମାଧ୍ୟମରେ ଅଧିଗ୍ରହଣ ପରେ ଏକ ଇସ୍ପାତ କାରଖାନା ପାଇଁ ହସ୍ତାନ୍ତର କରାଯିବ। ଏଥିପାଇଁ କିସମ ପରିବର୍ତ୍ତନ ଏବଂ ଜବରଦଖଲ ଉଚ୍ଛେଦ ପାଇଁ ସର୍ବସାଧାରଣ ଇସ୍ତାହାର କରାଯାଇଛି। ଏହି ନୋଟିସରେ ପଥରବଣି, ଜଳାଶୟ, ନାଳ କିସମ, ଗୋଦାଣ୍ଡ, ରାସ୍ତା,ପର୍ବତ, ଝାଟି ଜଙ୍ଗଲ, ନୟନଝରି ଓ ଦାଣ୍ଡ ରହିିଛି। ଯାହାକୁ ବିରକିଶୋରପୁର ଗ୍ରାମବାସୀ ବିରୋଧ କରି ଗୁରୁବାର ସଦର ତହସିଲାଦାରଙ୍କ କାର୍ଯାଳୟକୁ ଯାଇ ଏହାର ପ୍ରତିିବାଦ କରି ଘେରାଉ କରିଛନ୍ତି। ଗ୍ରାମବାସୀ ଅଭିଯୋଗ କରିଛନ୍ତି ଯେ,ଏହି ଜମି ଦେବାକୁ ଗ୍ରାମବାସୀ ପୂର୍ବରୁ ବାରମ୍ବାର ବିରୋଧ କରି ଆସୁଛନ୍ତି। ଗ୍ରାମର ଅନେକ ଲୋକଙ୍କ କମ୍ ଜମି ଥିବାରୁ ସରକାରୀ ଜମି ଅଧିଗ୍ରହଣ ହେଲେ ଲୋକଙ୍କ ଜୀବନଜୀବିକା ପ୍ରଭାବିତ ହେବ। ଏହି ଜମି ଉପରେ ଲୋକମାନେ ଦୀର୍ଘ ବର୍ଷ ହେଲା ନିର୍ଭର ତେଣୁ ଏହାକୁ ଛାଡିବାକୁ ଅମଙ୍ଗ ହୋଇଛନ୍ତି।
