ପାଟନା,୨୬।୮: ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତଥା ଆରଜେଡି ନେତା ତେଜ ପ୍ରତାପ ନିଜ ଗୁରୁଙ୍କ ଶରଣରେ ପଶିଛନ୍ତି। ପାରିବାରିକ କଳହଠାରୁ ଦୂରରେ ରହିବାକୁ ସେ ନିଜ ଆଧ୍ୟାତ୍ମିକ ଗୁରୁ ବଲ୍ଲଭାଚାର୍ଯ୍ୟଙ୍କୁ ଭେଟି ଆଶୀର୍ବାଦ ନେଇଛନ୍ତି। ଏହାର ଫଟୋ ସେ ନିଜ ସୋସିଆଲ ମିଡିଆରେ ଶେୟାର କରିଛନ୍ତି। ପାରିବାରିକ କଳହ ଯୋଗୁ ତେଜପ୍ରତାପଙ୍କୁ ନେଇ ଚର୍ଚ୍ଚା ଚାଲିଥିବାବେଳେ ସେ ହଠାତ୍ ବୃନ୍ଦାନରେ ପହଞ୍ଚିଥିଲେ। ସେ କହିଥିତ୍ଲେ ମୁଁ ସବୁବେଳେ ସତ କହିଥାଏ, ଏଥିପାଇଁ ଆଲେଚନରାର ଶିକାର ହୁଏ। ସବୁବେଳେ ବଡ଼ମାନଙ୍କ କାମକୁ ସମ୍ମାନ ଦେବା ଆବଶ୍ୟକ। କିନ୍ତୁ ମୁଁ ଏହାର ବିରୋଧ କଲେ ବିବାଦ ସୃଷ୍ଟି ହେଉଛି ବୋଲି ସେ କହିଛନ୍ତି। ଏହାସହ ସାନ ଭାଙ୍ଗି ତେଜସ୍ବୀ ଯାଦବଙ୍କ ସହ ତାଙ୍କ ସମ୍ପକ କରଣ-ଅର୍ଜୁନ ଭଳି, ଏହି ଦୁହିଁଙ୍କୁ କେହି ଅଲଗା କରିପାରିବେ ନାହିଁ ବୋଲି ତେଜ ପ୍ରତାପ କହିଛନ୍ତି।
ସୂଚନାଯୋଗ୍ୟ, ଦଳର ଅନୁଶାସନ ଭାଙ୍ଗିଥିବାରୁ ତେଜ ପ୍ରତାପ ବିରୋଧରେ ବାପା ଲାଲୁ କାର୍ଯ୍ୟାନୁଷ୍ଠାନ ନେବେ ବୋଲି ଚର୍ଚ୍ଚା ହେଉଛି। ଭାଙ୍ଗ ତେଜସ୍ବୀଙ୍କ କାର୍ଯ୍ୟକୁ ନେଇ ସେ ସର୍ବଦା ପ୍ରଶ୍ନ ଉଠାଇବା ସହ ଦଳୀୟ କାର୍ଯ୍ୟକୁ ନେଇ ମଧ୍ୟ ଆଲୋଚନା କରୁଛନ୍ତି। ଏଥିରୁ ଦୂରେଇ ରହିବାକୁ ତେଜସ୍ବୀ ଏବଂ ସାନ ଭଉଣୀ ରୋହିଣୀ ବାରମ୍ବାର ମନା କରିବା ସତ୍ତ୍ୱେ ସେ ଏହା କରୁଛନ୍ତି।