ପାଟନା,୮।୧୨: ଆରଜେଡି ନେତା ଲାଲୁ ପ୍ରସାଦ ଯାଦବଙ୍କ ସାନପୁଅ ତଥା ବିହାର ବିଧାନସଭାରେ ବିରୋଧୀ ଦଳର ନେତା ତେଜସ୍ବୀ ଯାଦବ ଖୁବଶୀଘ୍ର ବିବାହ କରିବାକୁ ଯାଉଛନ୍ତି। ତାଙ୍କ ନିର୍ବନ୍ଧ ଗୁରୁବାର ଦିଲ୍ଲୀରେ ଅନୁଷ୍ଠିତ ହେବାକୁ ଯାଉଛି। ତେବେ ସେ କାହାକୁ ବିବାହ କରିବେ ଜଣାପଡିନାହିଁ। ତେଜସ୍ବୀ ଯାଦବଙ୍କ ବିବାହରେ ପିତା ଲାଲୁ ପ୍ରସାଦ ଯାଦବ, ମାତା ରାବ୍ରି ଦେବୀ, ମିସା ଭାରତୀଙ୍କ ସମେତ ତାଙ୍କ ପରିବାରର ସମସ୍ତ ସଦସ୍ୟ ଯୋଗ ଦେବେ।
ଗତ ବର୍ଷ ଠାରୁ ତେଜସ୍ବୀ ଯାଦବଙ୍କ ବିବାହକୁ ନେଇ କଳ୍ପନାଜଳ୍ପନା ଚାଲିଥିଲା। ଅନେକ ଥର ସେ ତାଙ୍କ ବିବାହ ବିଷୟରେ ଖବରଦାତାମାନଙ୍କୁ ମଧ୍ୟ କୌତୁହଳପୂର୍ଣ୍ଣ ଉତ୍ତର ଦେଇଛନ୍ତି। ତେବେ ଅନେକ ଥର ସେ କହିଥିଲେ ଯେ ୨୦୨୦ ନିର୍ବାଚନ ପରେ ଏବଂ ପିତା ଜାମିନ ପାଇବା ପରେ ସେ ବିବାହ କରିବେ।